ଭୁଲିଯିବା ବି ଜରୁରୀ
ପ୍ରାୟତଃ କୌଣସି ସ୍ଥାନରେ ଆମେ ଚାବି କିମ୍ବା କୌଣସି କାଗଜ ରଖି ଭୁଲିଯାଉ । ଏପରିକି ବେଳେବେଳେ ଇଲେକଫ୍ରି, ପାଣି ଇତ୍ୟାଦିର ବିଲ୍ ପୈଠ କରିବାକୁ ମନେପଡ଼େ ନାହିଁ । ଏହାକୁ ନେଇ ବୈଜ୍ଞାନିକମାନେ କହିଛନ୍ତି ଯେ ଯୁବାବସ୍ଥାରେ ଭୁଲିଯିବାକୁ ଏକ ରୋଗ କିମ୍ବା ସମସ୍ୟା ବୋଲି ଭାବ;ୁ ନାହିଁ, ଏହା ମଧ୍ୟ ଶିକ୍ଷା ଗ୍ରହଣ କରିବାର ଏକ ପ୍ରକ୍ରିୟା । ଏହା ମସ୍ତିଷ୍କକୁ ଗୁରୁତ୍ୱପୂର୍ଣ୍ଣ ସୂଚନା ପାଇବାରେ ସାହାଯ୍ୟ କରେ । ଡବଲିନର ଟ୍ରିନିଟି କଲେଜ ଏବଂ ଟରୋଣ୍ଟୋ ବିଶ୍ୱବିଦ୍ୟାଳୟ ଦ୍ୱାରା ପରିଚାଳିତ ଏକ ଅଧ୍ୟୟନ ଅନୁସାରେ, ଭୁଲିଯିବାର ଅର୍ଥ ନୁହେଁ ଯେ ଜଣେ ବ୍ୟକ୍ତି ଭୁଲିଯାଉଥିବା ଜିନିଷଗୁଡ଼ିକ ଆଉ ସ୍ମରଣ କରିପାରିବ ନାହିଁ । କେବଳ ମସ୍ତିଷ୍କ ସେହି ପର୍ଯ୍ୟନ୍ତ ପହଞ୍ଚିପାରେ ନାହିଁ । ଅନୁସନ୍ଧାନକାରୀମାନେ ଦାବି କରନ୍ତି ଯେ କେଉଁ ଜିନିଷ ଏବଂ କଥାଗୁଡ଼ିକୁ ମନେ ରଖିବାକୁ ହେବ ଏବଂ କାହାକୁ ପାସୋରି ହେବ, ତାହା ମସ୍ତିଷ୍କ ହିଁ ନିର୍ଣ୍ଣୟ କରେ । କିଛି ସ୍ମୃତି ସ୍ଥାୟୀ ଭାବେ ନୁ୍ୟରନ୍ସରେ ଗଚ୍ଛିତ ହୋଇ ରହିଥାଏ, ଯାହା ଦ୍ୱାରା ଜଣେ ବ୍ୟକ୍ତି ସେହି ଜିନିଷଗୁଡ଼ିକୁ କେବେବି ଭୁଲିପାରେ ନାହିଁ ।
ଏଥିସହ କେଉଁ ଜିନିଷ ବା ସ୍ମୃତି ଆମ ପାଇଁ ଅଧିକ ଗୁରୁତ୍ୱପୂର୍ଣ୍ଣ ତାହା ମସ୍ତିଷ୍କ ସ୍ଥିର କରେ ଏବଂ ସେହି ଅନୁଯାୟୀ ସ୍ମୃତିଗୁଡ଼ିକୁ ସଂରକ୍ଷଣ ଏବଂ ଅପସାରଣ କରିବା ପାଇଁ ଏହା କାର୍ଯ୍ୟ ଜାରି ରଖେ । ଜଣେ ମନୁଷ୍ୟ ଜୀବନସାରା ଅସଂଖ୍ୟ ସ୍ମୃତି ସୃଷ୍ଟି କରେ, କି;ୁ ସେଗୁଡ଼ିକୁ ମଧ୍ୟରୁ କେବଳ ଅଳ୍ପ କିଛିକୁ ମନେ ରଖିପାରେ । କୁହାଯାଏ ଯେ ସମୟ ସହିତ ସ୍ମୃତି କ୍ଷୀଣ ହୋଇଯାଏ, କି;ୁ ବିଶେଷଜ୍ଞମାନେ କହିଛନ୍ତି ଯେ ଏହାର କାରଣ ହେଉଛି ମସ୍ତିଷ୍କ ସଂରକ୍ଷଣ କରିବାର ପ୍ରକ୍ରିୟା । ଟ୍ରିନିଟି କଲେଜରେ ସ୍ନାୟୁବିଜ୍ଞାନୀ ଟୋମାସ୍ ରିଆନ୍ ଏବଂ ଟରୋଣ୍ଟୋ ବିଶ୍ୱବିଦ୍ୟାଳୟର ପଲ୍ ଫ୍ରାଙ୍କଲ୍ୟାଣ୍ଡ କହିଛନ୍ତି ଯେ ଆଲଜିମର୍ ରୋଗୀଙ୍କ ମାମଲାରେ ଏହା ଭିନ୍ନ । ସାଧାରଣ ଲୋକଙ୍କ ପାଇଁ ଭୁଲିଯିବା ଲାଭଦାୟକ ପ୍ରମାଣିତ ହୋଇଛି । ଏହି ବ୍ୟବହାର ବ୍ୟକ୍ତିକୁ ଅଧିକ ନମନୀୟ ଏବଂ ଉନ୍ନତ ନିଷ୍ପତ୍ତି ନେବାରେ ସାହାଯ୍ୟ କରିଥାଏ । ତେବେ ବୈଜ୍ଞାନିକ କହିଛନ୍ତି ଯେ ଏହି ଅଧ୍ୟୟନର ଫଳାଫଳ ବର୍ତ୍ତମାନ ଆଲଜିମର ରୋଗୀଙ୍କ ସ୍ମୃତିକୁ ପୁନରୁଦ୍ଧାର କରିବା ସମ୍ଭବପର ।
7 thoughts on “Forget thing’s is good for brain.”