ପାୱାରଫୁଲ୍ ଫିଲ୍ମ, ପାୱାରଫୁଲ୍ ଇନକମ୍
କରୋନା କଟକଣା ହେତୁ ଦୀର୍ଘ ଦୁଇ ବର୍ଷ ଧରି ସମଗ୍ର ମନୋରଞ୍ଜନ ଜଗତ ଫିକା ପଡ଼ିଲା । ବଲିଉଡ୍ର କେତେକ ବଡ଼ ବଡ଼ ଷ୍ଟାର ଏବଂ ପ୍ରଯୋଜକ ସିନେମାହଲ୍ ଖୋଲିବାକୁ ପ୍ରତୀକ୍ଷା ନକରି ଓଟିଟିରେ ଫିଲ୍ମକୁ ରିଲିଜ୍ କରିବାକୁ ଲାଗିଲେ । ଆଉ କେତେଜଣ କଟକଣା କୋହଳକୁ ପ୍ରତୀକ୍ଷା କଲେ । ଏପରିକି ଲଗାତାର ଦେଢ ବର୍ଷ ରିଲିଜ୍ ଡେଟ୍କୁ ଘୁଞ୍ଚାଇ ଚାଲିଥିଲେ । ବକ୍ସ ଅଫିସ ହିଟ୍ ଏବଂ ସୁପର୍ ଇନକମ୍ ପାଇଁ ବଡ଼ ପରଦାରେ ସ୍କ୍ରିନିଂ କରିବାକୁ ନିଷ୍ପତ୍ତି ନେଲେ । ବିଶ୍ୱାସ ଥିଲା ଗୋଟିଏ ଫିଲ୍ମରେ ହିଁ ସମସ୍ତ କ୍ଷତିକୁ ଭରଣ କରିବେ । କିନ୍ତୁ ବଲିଉଡ୍ର ଏସମସ୍ତ ଆଶା ଭରସାକୁ ଧୂଳିସାତ୍ କରିଛି ଦକ୍ଷିଣ ଭାରତୀୟ ଫିଲ୍ମ ଇଣ୍ଡଷ୍ଟ୍ରୀ । ଆଞ୍ଚଳିକ ଫିଲ୍ମ ଭାବି ବେଖାତିର୍ କରୁଥିବା ପ୍ରସିଦ୍ଧ ନିର୍ଦ୍ଦେଶକ ଏବଂ ପ୍ରଯୋଜକଙ୍କୁ ଏକ ସବକ୍ ଶିଖାଇଛି ସାଉଥ୍ ଇଣ୍ଡଷ୍ଟ୍ରୀ । ମାତ୍ର ୪ ମାସ ମଧ୍ୟରେ ସମଗ୍ର ଭାରତରେ ସାଉଥ୍ ଫିଲ୍ମ ଦବଦବା ଦେଖାଇଛି । କେବଳ ହିନ୍ଦୀ ସିନେପ୍ରେମୀ ନୁହେଁ ବରଂ ଅଣସିନେପ୍ରେମୀଙ୍କୁ ମଧ୍ୟ ଫିଲ୍ମ ଦେଖିବାକୁ ଆକର୍ଷିତ କରିଛି । ଉତ୍ତରରୁ ଦକ୍ଷିଣ, ପୂର୍ବରୁ ପଶ୍ଚିମ ସମସ୍ତ ଦର୍ଶକଙ୍କ ହୃଦୟ ଜିତିଥିବା ଦକ୍ଷିଣୀ ଫିଲ୍ମ ବକ୍ସଅଫିସରେ ବାହୁବଳୀ ଇନକମ୍ ସହ ରେକର୍ଡ କରିବାରେ ସକ୍ଷମ ହୋଇଛି ।
୨୦୨୧ ବର୍ଷ ଶେଷ ଆଡ଼କୁ କରୋନା କଟକଣା କୋହଳର ସୀମିତ ସିଟ୍ ମଧ୍ୟରେ ବଲିଉଡ୍ ସୁପରଷ୍ଟାର ଅକ୍ଷୟ କୁମାର ତାଙ୍କ ଫିଲ୍ମ ‘ସୂର୍ଯ୍ୟବଂଶୀ’କୁ ନଭେମ୍ବର ଦୀପାବଳି ଅବସରରେ ସାରା ଦେଶର ସିନେମାଘରେ ମୁକ୍ତିଲାଭ କଲେ । ଫିଲ୍ମଟି ୨ ଶହ କୋଟିର ବ୍ୟବସାୟ ସହ ପୁରା ବଲିଉଡ୍କୁ ପୁଣି ଥରେ ଆତ୍ମବିଶ୍ୱାସ ଦେଲା । ଠିକ୍ ମାସକ ପରେ ବହୁପ୍ରତିକ୍ଷୀତ ହଲିଉଡ୍ ପିଲ୍ମ ‘ସ୍ପାଇଡରମ୍ୟାନ: ନୋ େୱ ହୋମ୍’ର ଆଡଭାନ୍ସ ବୁକିଂରେ ଜୋରଦାର ଉତ୍ସାହ ଦେଖିବାକୁ ମିଳିଲା । ଏହାର ଗୋଟିଏ ସପ୍ତାହ ପରେ ପ୍ରଦର୍ଶିତ ହେବାକୁ ଥିବା ହିନ୍ଦୀ ଫିଲ୍ମ ‘୮୩’ର ଆଗୁଆ ସମୀକ୍ଷା କରାଯାଇଥିଲା ଯେ ଏହା ବକ୍ସଅଫିସରେ ଦମଦାର ବ୍ୟବସାୟ କରିବ । ‘ସ୍ପାଇଡରମ୍ୟାନ: ନୋ େୱ ହୋମ୍’ ଏବଂ ‘୮୩’ ଉପରେ ହେଉଥିବା ଚର୍ଚ୍ଚା ମଧ୍ୟରେ ଡିସେମ୍ବରରେ ଶେଷ ଆଡ଼କୁ ତେଲୁଗୁ ଫିଲ୍ମ ‘ପୁଷ୍ପା: ଦ ରାଇଜ୍’ ସିନେମାଘରେ ପ୍ରଦର୍ଶିତ ହେଲା ।
ଏଥିରେ ସାଉଥ୍ ସୁପରଷ୍ଟାର ଅଲ୍ଲì ଅର୍ଜୁନ, ରଶ୍ମିକା ମନ୍ଦାନା ପରି ଚର୍ଚ୍ଚିତ ତାରକା ଅଭିନୟ କରିଥିଲେ । ଏହାକୁ ହିନ୍ଦୀରେ ଡବ୍ କରାଯାଇ ରିଲିଜ୍ କରାଗଲା, ଯାହା ହିନ୍ଦୀ ବକ୍ସଅଫିସରେ ସୁପରହିଟ୍ ହେବାକୁ ଲାଗିଲା । ଏହାପୂର୍ବରୁ ‘ବାହୁବଳୀ: ଦ ବିଗିନିଙ୍ଗ୍’ (୨୦୧୫) ଏବଂ ଏହାର ସ୍ୱିକେଲ୍ ‘ବାହୁବଳୀ: ଦ କନକ୍ଲìଜନ୍’ (୨୦୧୭) କେବଳ ଦେଶରେ ନୁହେଁ ବିଦେଶରେ ମଧ୍ୟ ଧୁମ ମଚାଇଲା । ସେତେବେଳେ ଏହାର ଶ୍ରେୟ କେବଳ ନିର୍ଦ୍ଦେଶକ ରାଜମୌଲୀଙ୍କୁ ଦେଇ ବଲିଉଡ୍ ଅଣଦେଖା କରିଥିଲା । କିନ୍ତୁ ଅଲ୍ଲì ଅର୍ଜୁନଙ୍କ ପୁଷ୍ପା ଏସମସ୍ତ ଭ୍ରମକୁ ଦୂରେଇ ଦେଇଛି । ବଡ଼ ବ୍ୟାନରରେ ନିର୍ମିତ ହୋଇଥିବା ‘୮୩’ ଫିଲ୍ମକୁ ହଟାଇ ‘ପୁଷ୍ପା’କୁ ସ୍କ୍ରିନିଂ କରାଯିବା ପାଇଁ ପ୍ରମୁଖ ସହରରେ ଦାବି କରାଗଲା, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ସୁପରହିଟ୍ ହେବାର ସ୍ୱପ୍ନ ରଖିଥିବା ‘୮୩’ ଅଧିକ ସମୟ ପରଦାରେ ତିଷ୍ଠି ହୋଇରହିପାରିଲା ନାହିଁ । ‘ପୁଷ୍ପା’ର ରେକର୍ଡ ଜାରି ରହିଥିବା ବେଳେ ଗତ ୩ ମାସରେ ରିଲିଜ୍ ହୋଇଥିବା କେତେକ ହିନ୍ଦୀ ଫିଲ୍ମ କଳ୍ପନାତୀତ ଦର୍ଶକୀୟ ଆଦୃତି ପାଇବାରେ ବିଫଳ ହୋଇଥିଲା । ଏପରିକି ଆଲିୟା ଭଟ୍ଟଙ୍କ ‘ଗଙ୍ଗୁବାଈ କାଠିଆୱାଡି’, ଅକ୍ଷୟ କୁମାରଙ୍କ ‘ବଚ୍ଚନ ପାଣ୍ଡେ’, ଅମିତାଭ ବଚ୍ଚନଙ୍କ ‘ଝୁଣ୍ଡ୍’ ପରି ଫିଲ୍ମ ବି ୧୦୦କୋଟି କ୍ଲବରେ ସାମିଲ ହେବାରେ ବିଫଳତା ପାଇଛି ।
ଏତିକିରେ ଥମିନଥିଲା ସାଉଥ୍ ଫିଲ୍ମର ଜଲୱା । ପ୍ରସିଦ୍ଧ ବାହୁବଳୀ ନିର୍ଦ୍ଦେଶକ ରାଜମୌଲୀ ଏବଂ ସାଉଥ୍ର ପ୍ରମୁଖ ସୁପରଷ୍ଟାର ଜୁନିଅର୍ ଏନଟିଆର୍ ଏବଂ ରାମଚରଣଙ୍କ ଅଭିନୀତଙ୍କ ବହୁପ୍ରତୀକ୍ଷିତ ଫିଲ୍ମ ‘ଆର୍ଆର୍ଆର୍’ ୨୫ ମାର୍ଚ୍ଚରେ ସମଗ୍ର ଦେଶରେ ମୁକ୍ତିଲାଭ କଲା । ସବୁଠୁ ବଡ଼ କଥା ରିଲିଜ୍ ପୂର୍ବରୁ ହିଁ ଫିଲ୍ମର ଟ୍ରେଲର୍ ଏବଂ ଆଡଭାନ୍ସ ବୁକିଂ ମାମଲାରେ ‘ବାହୁବଳୀ’ ଫିଲ୍ମକୁ ଟMର ଦେଇଥିଲା । ଡାନ୍ସ, ଆକ୍ସନ, ଦମଦାର ଡାଏଲଗ୍ରେ ଭରପୂର ପ୍ୟାନ ଇଣ୍ଡିଆ ଫିଲ୍ମଟି ମୁକ୍ତିଲାଭର ପ୍ରଥମ ଦିନରେ ୨୫୦ରୁ ଅଧିକ କୋଟି ବ୍ୟବସାୟ କରି ରେକର୍ଡ କଲା । ୬ହଜାର ସ୍କ୍ରିନରେ ଫିଲ୍ମଟି ପ୍ରଦର୍ଶିତ ହୋଇଥିଲା । ଆକଳନ ହୋଇନଥିବା ରେକର୍ଡ ଏବଂ ବ୍ୟବସାୟ କରିଚାଲିଲା ଫିଲ୍ମ । ହିନ୍ଦୀ ବେଲଫ ଦର୍ଶକଙ୍କ ହୃଦୟରେ ‘ନାଟୋ ନାଟୋ’ ଗୀତ ଘର କରିନେଲା । ଏପର୍ଯ୍ୟନ୍ତ ଫିଲ୍ମଟି ବିଶ୍ୱବ୍ୟାପୀ ହଜାରେ କୋଟିରୁ ଅଧିକ ରୋଜଗାର କରିଛି । ହେଲେ ଏହାକୁ ସିନେ ଜଗତରେ ଏକ ନୂଆ ଇତିହାସ ଭାବୁଥିବା ଦର୍ଶକଙ୍କ ପାଇଁ ପୁଣି ଏକ ଝଟକା ଦେଲା ସାଉଥ୍ର ଆଉ ଏକ ଫିଲ୍ମ ‘କେଜଏଫ୍ର ଚାପଫର-୨’ ।
୨୦୧୮ରେ କନ୍ନଡର ରକିଂ ଷ୍ଟାର ୟଶ୍ଙ୍କ ‘କେଜିଏଫ୍’ ହିନ୍ଦୀ ଦର୍ଶକଙ୍କୁ ସାଉଁଟିବାରେ ସଫଳ ହୋଇଥିଲା । ସତ୍ୟ ଘଟଣା ଉପରେ ଆଧାରିତ ଏହି ଫିଲ୍ମରେ ୟଶ୍ଙ୍କ ଆକଫିଂ ଓ ଡାଏଲଗ୍ ‘କେଜିଏଫ୍ ଚାପଫର ୨’ ପାଇଁ ମଧ୍ୟ ଦର୍ଶକଙ୍କ ଉତ୍ସାହକୁ ଆହୁରି ବଢ଼ାଇଦେଇଥିଲା । ତେଣୁ ଦୀର୍ଘ ୪ ବର୍ଷର ପ୍ରତୀକ୍ଷା ପରେ ପୁଣି ଥରେ ରକି ଭାଇଙ୍କୁ ପରଦାରେ ଦେଖିବାର ଉତ୍କଣ୍ଠା ଆଡଭାନ୍ସ ବୁକିଂ ମାମଲାରେ ପ୍ରଥମ ରେକର୍ଡ କଲା । ଏପରିକି ରିଲିଜ୍ର ଆଗାମୀ ୨ ସପ୍ତାହ ପର୍ଯ୍ୟନ୍ତ ଦେଶର ସବୁ ହଲ୍ ହାଉସଫୁଲ୍ ହୋଇଗଲା । ତାହାର ୧୫ଦିନ ପୂର୍ବରୁ ରିଲିଜ୍ ହୋଇଥିବା ଆର୍ଆର୍ଆର୍କୁ ପଛରେ ପକାଇ ୧୪ ଏପ୍ରିଲରେ ୧୦ ହଜାର ସ୍କ୍ରିନ୍ରେ ହିଟ୍ କଲା ‘କେଜିଏଫ୍-୨’ । ପ୍ରଥମ ଦିନରେ ହିଁ ପାୱାରଫୁଲ୍ ଇନକମ୍ । କେବଳ ହିନ୍ଦୀ ସଂସ୍କରଣରେ ୫୫କୋଟିରୁ ଅଧିକ ବ୍ୟବସାୟ । ଏପର୍ଯ୍ୟନ୍ତ କୌଣସି ବି ହିନ୍ଦୀ ସିନେମା ଏତେ ଇନକମ କରିବାରେ ସଫଳ ହୋଇନଥିଲା । ଯାହା ବଲିଉଡ୍କୁ ଏକ ଝଟକା ପରି ଅନୁଭୂତ ହୋଇଛି । ଏହାପୂର୍ବରୁ ପ୍ରଥମ ଦିନରେ ହ୍ରିତିକ ରୋଶନଙ୍କ ‘ୱାର୍’ ଫିଲ୍ମ ୫୧ କୋଟି ଏବଂ ଆମିର ଖାନଙ୍କ ‘ଠଗ୍ସ ଅଫ୍ ହିନ୍ଦୁସ୍ତାନ’ ୫୦ କୋଟି ବ୍ୟବସାୟ କରିଥିଲା । ପ୍ରଥମ ଦିନର ରେକର୍ଡ ଇନକମ୍ ପରେ ୟଶ୍ଙ୍କ ଡାଏଲଗ୍ ଓ ଅନ୍ଦାଜ, ସଞ୍ଜୟ ଦତ୍ତଙ୍କ ଅଧୀରା ଲୁକ୍ ଏବଂ ରବିନା ଟଣ୍ଡନଙ୍କ ସ୍କ୍ରିନ ପ୍ରେଜେନ୍ସ ଆହୁରି ଅଧିକ ଦର୍ଶକଙ୍କୁ ଆକର୍ଷିତ କରିବାରେ ସଫଳ ହୋଇଥିଲା । ତେଣୁ ଟିକେଟ୍ର ଦାମ ବୃଦ୍ଧି ସହ ମାତ୍ର ୧୫ ଦିନରେ ହିଁ ୱାଲï ୱାଇଡ୍ ୯୫୮କୋଟିରୁ ଅଧିକ ବିଜନେସ୍ କରିସାରିଛି । ଏପରିକି ଖୁବଶୀଘ୍ର ସଲମାନଙ୍କ ‘ଟାଇଗର ଜିନ୍ଦା ହୈ’, ଆମିରଙ୍କ ‘ପିକେ’ ଏବଂ ରଣବୀର କପୁରଙ୍କ ‘ସଞ୍ଜୁ’ର ଲାଇଫଟାଇମ ବିଜନେସ୍କୁ ପଛରେ ପକାଇ ହିନ୍ଦୀରେ ସର୍ବାଧିକ ଇନକମ୍ କରିଥିବା ଫିଲ୍ମ ପାଲଟିଛି । ମାତ୍ର ୧୦୦ କୋଟି ବଜେଟ୍ରେ ନିର୍ମିତ ‘କେଜିଏଫ୍-୨’ ହିଟ୍ ଫିଲ୍ମ ‘ପୁଷ୍ପା’, ସୁପରହିଟ୍ ‘ଆର୍ଆର୍ଆର୍’ରେ ବ୍ରେକ୍ ଲଗାଇ ସୁପରଡୁପର ବ୍ଲକବଷ୍ଟର ହିଟ୍ ହୋଇ ନୂଆ ଇତିହାସ ରଚିଛି । କେବଳ ସେତିକି ନୁହେଁ ଅଭିନେତା ୟଶ୍ଙ୍କୁ ୮୦-୯୦ ଦଶକର ମହାନାୟକ ଅମିତାଭ ବଚ୍ଚନଙ୍କ ଆଙ୍ଗ୍ରି ୟଙ୍ଗ୍ ମ୍ୟାନ ସହ ତୁଳନା କରାଯାଉଛି ।
ବହୁ ବର୍ଷ ଧରି ଭାରତୀୟ ସିନେମା ଦୁନିଆରେ ହିନ୍ଦୀ ଫିଲ୍ମ ନିଜର ସ୍ୱତନ୍ତ୍ର ସ୍ଥାନ ସୃଷ୍ଟି କରିଛି । ଏପରିକି ରଜନୀକାନ୍ତ, କମଲ ହାସନ, ଚିରଞ୍ଜିବୀ ମଧ୍ୟ ହିନ୍ଦୀ ଫିଲ୍ମର ମହାନ କଳାକାରଙ୍କ ଆଗରେ ଫିକା ପଡ଼ିଥିଲେ । ହେଲେ ଧୀରେଧୀରେ ସିନେପ୍ରେମୀଙ୍କ ଚାହିଦା ଭିନ୍ନ ହେବାରେ ଲାଗିଛି । କେତେକ ସିନେସମୀକ୍ଷକଙ୍କ କହିବା ଅନୁଯାୟୀ ହିନ୍ଦୀ ଫିଲ୍ମ ଆଉ ପାରିବାରିକ ଫିଲ୍ମ ହୋଇ ରହିନାହିଁ । କିନ୍ତୁ ସାଉଥ ଫିଲ୍ମ ସଂସ୍କୃତି ଓ ନିଜ ପରମ୍ପରାକୁ ଜାବୁଡ଼ି ଧରିଛନ୍ତି । ଯାହା ଏକ ଭିନ୍ନ ସ୍ୱାଦ ଆଣିଛି । ସେହିପରି କାହାଣୀରେ ନୂତନ୍ୱତ ଦେଖିବାକୁ ଚାହାନ୍ତି ଦର୍ଶକ । କିନ୍ତୁ ବଲିଉଡ୍ରେ ରିମେକ୍କୁ ହିଁ ପ୍ରାଧାନ୍ୟ ଦେଉଛନ୍ତି, ଯାହା ଦର୍ଶକଙ୍କୁ ବାନ୍ଧି ରଖିବାରେ ସକ୍ଷମ ହେଉନାହିଁ ।
15 thoughts on “Powerful south movie’s powerful income in box office.”