ଯାତ୍ରା ସମୟରେ ବାନ୍ତି ଲାଗିବ, ମୁଣ୍ଡ ବିନ୍ଧିବା ଏବଂ ଅସୁସ୍ଥ ଅନୁଭବ କରିବା ଏକ ସାଧାରଣ ସମସ୍ୟା । ପ୍ରାୟ ପ୍ରତ୍ୟେକ ପରିବାରର କେହି ନା କେହି ଏହି ଭ୍ରମଣଜନିତ ପୀଡ଼ା ସମସ୍ୟା ଭୋଗିଥାନ୍ତି । ଡାକ୍ତରଙ୍କ ଅନୁଯାୟୀ ଏହା କୌଣସି ପ୍ରକାର ରୋଗ ନୁହେଁ । କିଛି ଲୋକଙ୍କ ଭ୍ରମଣ କିମ୍ବା ଯାତ୍ରା ସମୟରେ ଏହି ସମସ୍ୟା ଦେଖାଦିଏ କାରଣ ସେମାନଙ୍କର ମସ୍ତିଷ୍କକୁ ନାକ, କାନ, ତ୍ୱଚା ଏବଂ ଆଖିରୁ ଭିନ୍ନ ସଙ୍କେତ ମିଳିଥାଏ । ବୈଜ୍ଞାନିକଙ୍କ କହିବା ଅନୁଯାୟୀ ଏହି ସଙ୍କେତ ମିଳିବା ମାତ୍ରେ ବ୍ୟକ୍ତିର ନର୍ଭସ ସ୍ନାୟୁ ପ୍ରଣାଳୀ ଦ୍ୱନ୍ଦରେ ପଡ଼େ । ଏହି କାରଣରୁ ମସ୍ତିଷ୍କ ତତତ୍କାଳ ସ୍ଥିତି ବୁଝିବାରେ ସକ୍ଷମ ହୁଏ ନାହିଁ, ଫଳରେ ଭ୍ରମଣ ଜନିତ ପୀଡ଼ା କିମ୍ବା ଗତିରୋଗର ଲକ୍ଷଣ ଆସିବା ଆରମ୍ଭ କରେ ।
ଲକ୍ଷଣ: ବାନ୍ତି ଏବଂ ବିବ୍ରତ ହେବା ବ୍ୟତୀତ ଭ୍ରମଣଜନିତ ପୀଡ଼ାର ଅନ୍ୟ ଲକ୍ଷଣ ମଧ୍ୟ ଥାଏ । ଯଥା- ମୁହଁ ହଳଦିଆ ଦେଖାଯିବା, ଥଣ୍ଡା ଝାଳ ବାହାରିବା, ମୁଣ୍ଡ ବୁଲେଇବା, ପାଟିରୁ ଅତ୍ୟଧିକ ଲାଳ ବାହାରିବା, ଶ୍ୱାସ ନେବାରେ କଷ୍ଟକର, ମୁଣ୍ଡ ବିନ୍ଧିବା, ଅଧିକ ନିଦ ଲାଗିବା ଏବଂ ଥକ।ପଣ ଅନୁଭବ କରିବା । ବୈଜ୍ଞାନିକଙ୍କ ଅନୁଯାୟୀ ଏହା ସାଧାରଣ କଥା । ବସ, ଟ୍ରେନ, କାର, ଫ୍ଲାଇଟ୍ରେ ଯାତ୍ରା କରିବା ସମୟରେ ହିଁ ଏପରି ହୋଇଥାଏ । ଆମେରିକାର ନ୍ୟାସନାଲ ଇନଷ୍ଟିଚୁ୍ୟଟ ଅଫ୍ ହେଲ୍ଥ ମୁତାବକ, ପ୍ରତି ୩ରୁ ଜଣେ ବ୍ୟକ୍ତିଙ୍କୁ ଏହି ଭ୍ରମଣଜନିତ ସମସ୍ୟାର ଶିକାର ହୋଇଥାନ୍ତି । ମହିଳାଙ୍କୁ ପୁରୁଷଙ୍କ ତୁଳନାରେ ଏହି ସମସ୍ୟା ଅଧିକ ହୋଇଥାଏ । ଏହା ଅଧିକାଂଶ ଗର୍ଭଧାରଣ ଏବଂ ମାସିକ ଋତୁସ୍ରାବ ସମୟରେ ହୋଇଥାଏ । ଯେଉଁ ବ୍ୟକ୍ତି ଅର୍ଦ୍ଧକପାଳୀ ରୋଗରେ ପୀଡ଼ିତ ହୋଇଥାନ୍ତି, ସେମାନଙ୍କଠି ଏହି ସମସ୍ୟା ଉପୁଜିବାର ଅଧିକ ସମ୍ଭାବନା ରହିଥାଏ । ଏଥିସହ ଭ୍ରମଣଜନିତ ପୀଡ଼ା କାରଣରୁ ଅର୍ଦ୍ଧକପାଳୀ ରୋଗ ହେବାର ଆଶଙ୍କା ହୋଇଥାଏ ।
ଉପଶମ: ଭ୍ରମଣକାଳୀନ ଏହି ଅସୁସ୍ଥତାରୁ ବଞ୍ଚିବା ପାଇଁ ଆପଣ କିଛି ଟି« ଆପଣାଇ ଏହାକୁ କଣ୍ଟ୍ରୋଲ କରିପାରିବେ । ଯାତ୍ରା କରିବା ପୂର୍ବରୁ ଭଲ ଭାବରେ ଭୋଜନ ଗ୍ରହଣ କରନ୍ତୁ । ଖାଲି ପେଟରେ ବାନ୍ତି ଆସିଥାଏ । ପଛ ସିଟ୍ରେ ଭୁଲରେ ବି ବସନ୍ତୁ ନାହିଁ । ବସ୍ ପରି ଯାନବାହାନର ପଛ ସିଟ୍ରେ ବସିଲେ ସ୍ପିଡ୍ ଅଧିକ ଅନୁଭବ ହୋଇଥାଏ, ଯାହା ଭ୍ରମଣ ପୀଡ଼ାର କାରଣ ହୋଇଥାଏ । ଭିଡ଼ ଥିବା ବାହାନରେ ଯାତ୍ରା କରନ୍ତୁ ନାହିଁ । ଏହା ଫଳରେ ଆପଣଙ୍କୁ ବିବ୍ରତ ଲାଗିପାରେ । ସବୁଠୁ ଗୁରୁତ୍ୱପୂର୍ଣ୍ମ କଥା ଯାତ୍ରା ସମୟରେ ପୁସ୍ତକ ପଢନ୍ତୁ ନାହିଁ ଏବଂ ମୋବାଇଲ ବି ଧରନ୍ତୁ ନାହିଁ । ପଢ଼ିବା ଦ୍ୱାରା ମସ୍ତିଷ୍କରେ ଦ୍ୱନ୍ଦ ସୃଷ୍ଟି ହୋଇଥାଏ । ପାଖରେ ଲେମ୍ବୁ ଏବଂ ତୁଳସୀ ରଖନ୍ତୁ । ଯାତ୍ରା ବେଳେ ତୁଳସୀ ପତ୍ର ଚୋବାଇବା ଭଲ ଉପାୟ ହୋଇଥାଏ । ଏକ ବୋତେଲ ଲେମ୍ବୁ-ପୋଦିନା ପାଣି ପାଖରେ ରଖନ୍ତୁ । ଏଥିସହ ବାନ୍ତି ଲାଗିଲେ କଟା ଲେମ୍ବୁକୁ ଶୁଘିଂ ପାରିବେ ।
4 thoughts on “ଭ୍ରମଣ ସମୟରେ କେମିତି ରହିବେ ଅନଇଜିନେସରୁ ଦୂରରେ”