ଉତ୍ତରାଖଣ୍ଡର ଋଷିକେଶର ଲକ୍ଷ୍ମଣ ବ୍ରିଜ ନିକଟ ଗଙ୍ଗା କୂଳେ ଭ୍ରମଣ କରୁଥିବା ବେଳେ ଆପଣଙ୍କୁ ଏକ ଖୁଣ୍ଟରେ ଟଙ୍ଗା ହୋଇଥିବା ସୁନ୍ଦର ବକ୍ସ ଦେଖିବାକୁ ମିଳିବ । ସେହି ବକ୍ସରେ ହିନ୍ଦୀ, ଇଂରାଜୀ ସାହିତ୍ୟର ପୁସ୍ତକ ସହ ସ୍କୁଲ ପାଠ୍ୟକ୍ରମ ଏବଂ କିଛି ସାଧାରଣଜ୍ଞାନ ପୁସ୍ତକ ରହିଛି । କେବଳ ସେତିକି ନୁହେଁ ଏହି ବକ୍ସ ଉପରେ ନାମ ମଧ୍ୟ ଲେଖାହୋଇଛି,‘ବସ୍ତାପ୍ୟାକ୍ ଆଡ୍ଭେଞ୍ଚର୍ ତଥା ବସ୍ତାପ୍ୟାକ୍ ଷ୍ଟ୍ରିଟ୍ ଲାଇବ୍ରେରୀ’ । ତେବେ ଏହା ହେଉଛି ଉତ୍ତରାଖଣ୍ଡର ପ୍ରଥମ ଷ୍ଟ୍ରିଟ୍ ଲାଇବ୍ରେରୀ । ଯଦି ବହି ପଢ଼ିବାକୁ ଚାହୁଁଛନ୍ତି, ତାହେଲେ ଆପଣଙ୍କୁ ଗୋଟିଏ ବହି ରଖି ଆଉ ଗୋଟେ ବହି ଆଣିପାରିବେ । ତେବେ ଏପରି ଚିନ୍ତାଧାରା ବିଦେଶରୁ ଆସିଛି, ହେଲେ ଭାରତରେ ମଧ୍ୟ ଅନେକ ସ୍ଥାନରେ ଏହାକୁ ସଫଳତାପୂର୍ବକ ପରିଚାଳନା କରାଯାଉଛି ।
ଦକ୍ଷିଣ ଭାରତ ଏବଂ ପୂର୍ବୋତ୍ତର ଭାରତରେ କିଛି ସ୍ଥାନରେ ଷ୍ଟ୍ରିଟ୍ ଲାଇବ୍ରେରୀ ଖୋଲାଯାଇଥିବା ବେଳେ ଉତ୍ତରାଖଣ୍ଡରେ ମନ୍ତ୍ରମୁU ପରିବେଶ ଏବଂ ଗଙ୍ଗା କୂଳରେ ପ୍ରଥମ ଥର ପାଇଁ ଏହାର ଶୁଭାରମ୍ଭ କରାଯାଇଛି । ‘ବସ୍ତାପ୍ୟାକ୍ ଆଡ୍ଭେଞ୍ଚର୍’କୁ ପରିଚାଳନା କରୁଛନ୍ତି ସ୍ଥାନୀୟ ବାସିନ୍ଦା ଗିରିଜାନ୍ସ ଗୋପାଳନ ଏବଂ ତାଙ୍କର କିଛି ସାଥୀ । ଗୋପାଳନଙ୍କ କହିବା ଅନୁଯାୟୀ ଜଣେ ବ୍ୟକ୍ତି ନିକଟରେ ପଢ଼ିବାର ଇଚ୍ଛାଶକ୍ତି ଥିଲେ ମଧ୍ୟ ଆର୍ଥିକ ଏବଂ ସାମାଜିକ ବାଧାରୁ ସେ ଆଗକୁ ପଢ଼ିପାରେ ନାହିଁ । ତେଣୁ ଏଭଳି ପରିସ୍ଥିତିରେ ସୁନ୍ଦର ଦୃଶ୍ୟକୁ ଉପଭୋଗ କରିବା ସହ ଏଠାରେ ନିଜ ମନପସନ୍ଦର ପୁସ୍ତକକୁ ମାଗଣାରେ ପଢ଼ିପାରିବେ । ସେ ଆହୁରି ମଧ୍ୟ କହିଛନ୍ତି, ଏହି ଷ୍ଟ୍ରିଟ୍ ଲାଇବ୍ରେରୀ ପାଇଁ କିଛି ଲୋକ ପୁସ୍ତକ ଦାନ କରୁଛନ୍ତି । ଦିଲ୍ଲୀ ବିଶ୍ୱବିଦ୍ୟାଳୟ ଏବଂ ଅନ୍ୟ ସଂସ୍ଥାର କେତେକ ଶିକ୍ଷକ ଏହି ଅଭିଯାନକୁ ସହଯୋଗ କରୁଛନ୍ତି । ସେ ଆଗକୁ ଦୁର୍ଗମ ଏବଂ ବିଚ୍ଛିନାଞ୍ଚଳରେ ଏହି ଅଭିଯାନ ଆରମ୍ଭ କରିବାର ଇଚ୍ଛା ରଖିଛନ୍ତି ।http://thetopmost.in/?p=694
1 thought on “ଉତ୍ତରାଖଣ୍ଡ ଋଷିକେଶର ପ୍ରଥମ ଷ୍ଟ୍ରିଟ୍ ଲାଇବ୍ରେରୀ”