ରାମ ଗୋପାଲ ବର୍ମାଙ୍କ ବିରୁଦ୍ଧରେ ୫୬ ଲକ୍ଷ ଟଙ୍କା ଠକେଇ ଅଭିଯୋଗ

ଚଳଚ୍ଚିତ୍ର ର୍ନିମାତା ରାମ ଗୋପାଳ ଭର୍ମା ବର୍ତ୍ତମାନ ଅସୁବିଧାରେ ।ରିପୋର୍ଟ ଅନୁଯାୟୀ, ନିର୍ଦ୍ଦେଶକଙ୍କ ବିରୋଧରେ ଠକେଇ ମାମଲା ରୁଜୁ ହୋଇଛି । ସେ ଜଣେ ପ୍ରଡକ୍ସନ୍‌ ହାଉସର ମାଲିକଙ୍କଠାରୁ ୫୬ ଲକ୍ଷ ଟଙ୍କା ନେଇ ଫେରସ୍ତ କରିନାହାଁନ୍ତି । ଅଭିଯୋଗ ପରେ ତେଲେଙ୍ଗାନାର ମିଆପୁର ପୋଲିସ ଷ୍ଟେସନରେ ଭର୍ମାଙ୍କ ବିରୋଧରେ ଏକ ମାମଲା ରୁଜୁ ହୋଇଛି । ଅଭିଯୋଗକାରୀଙ୍କ ଅନୁଯାୟୀ, ରାମ ଗୋପାଳ ଭର୍ମା ୨୦୨୦ରେ ତେଲୁଗୁ ଚଳଚ୍ଚିତ୍ର ଦିଶାଦ ର୍ନିମାଣ ପାଇଁ ଟଙ୍କା ନେଇଥିଲେ । କିନ୍ତୁ ବର୍ତ୍ତମାନ ସୁଦ୍ଧା ମଧ୍ୟ ଟଙ୍କା ଫେରେଇ ନାହାନ୍ତି ।

ସେ ଆହୁରି ମଧ୍ୟ କହିଛନ୍ତି ଯେ ୨୦୧୯ରେ ଜଣେ ସାଧାରଣ ବନ୍ଧୁ ମୋତେ ଭର୍ମାଙ୍କ ସହ ପରିଚିତ କରିଥିଲେ । ଜାନୁୟାରୀ ୨୦୨୦ର ପ୍ରଥମ ସପ୍ତାହରେ ଧର୍ମେନ୍ଦ୍ର ଫିଲ୍ମ ର୍ନିମାଣ ପାଇଁ ମୋ ଠାରୁ ୮ ଲକ୍ଷ ଟଙ୍କା ନେଇଥିଲେ । ଏହା ପରେ ସେ ପୁଣି ୨୦ ଲକ୍ଷ ଟଙ୍କା ଦେବାକୁ କହିଥିଲେ, ଯାହା ମୁଁ ୨୨ ଜାନୁୟାରୀ ୨୦୨୦ରେ ଚେକ୍‌ ଆକାରରେ ଦେଇଥିଲି । ଏହି ଟଙ୍କାକୁ କିଛି ନିର୍ଦ୍ଧିଷ୍ଟ ସମୟରେ ଫେରେଇବେ କହି ଏପର୍ଯ୍ୟନ୍ତ ଦେଇନାହାଁନ୍ତି । ତେବେ ପୁଣି ସେ ଆର୍ଥିକ ସ୍ଥିତିକୁ ଦର୍ଶାଇ ୨୮ ଲକ୍ଷ ଟଙ୍କା ଅଧିକ ମାଗିଥିଲେ ।

ମୁଁ ନିର୍ଦ୍ଦେଶକଙ୍କ ଉପରେ ବିଶ୍ୱାସ କରି ପୁଣି ୨୮ ଲକ୍ଷ ଟଙ୍କା ଟ୍ରାନ୍ସଫର କରିଛି । ସେହି ସମୟରେ ଭର୍ମା ପ୍ରତିଶୃତି ଦେଇଥିଲେ ଯେ ଫିଲ୍ମ ଦିଶାଦ ରିଲିଜ୍‌ ହେବାର ଦିନ କିମ୍ବା ତା ପୂର୍ବରୁ ସେ ୫୬ ଲକ୍ଷ ଟଙ୍କା ଫେରସ୍ତ କରିବେ । ଏହା ପରେ ମୁଁ ଜାନୁଆରୀ ୨୦୨୧ରେ ଜାଣିଲି ଯେ ଭର୍ମା କେବଳ ଦିଶାର ର୍ନିମାତା ନୁହଁନ୍ତି । ତେବେ ତା ପରେ ମୁଁ ପଇସା ମାଗିବା ପରେ ମଧ୍ୟ ସେ ପଇସା ଫେରେଇ ନାହାଁନ୍ତି । ସେଥିପାଇଁ ବାଧ୍ୟ ହୋଇ ମୁଁ ପୋଲିସରେ ଏଫଆଇଆର ଦେଇଛି ।