ପ୍ରଫେଶନାଲ ସମ୍ପର୍କ କେତେ ବିପଦ...

ପ୍ରଫେଶନାଲିଜିମର ପ୍ରଥମ ନିୟମ ହେଉଛି ଅଫିସ ସମ୍ପର୍କକୁ ଘରକୁ ଆଣିବା ଉଚିତ ନୁହେଁ । କି;ୁ ଅଫିସରେ ଘା ଘା ଧରି ସମୟ ବିତାଇବା ଫଳରେ ବ୍ୟକ୍ତିଗତ ସ୍ତରରେ ଏକ ସମ୍ପର୍କ ସୃଷ୍ଟି ହୋଇଥାଏ । ଏପରି ସମ୍ପର୍କ ଆପଣଙ୍କ କ୍ୟାରିୟର ଉପରେ ନକାରାତ୍ମକ କିମ୍ବା ସକାରାତ୍ମକ ପ୍ରଭାବ ପକାଇଥାଏ । ଆପଣଙ୍କ ପସନ୍ଦ, ନାପସନ୍ଦ, ଅଭ୍ୟାସ, ଦୁର୍ବଳତା ଓ ଗୁପ୍ତ କଥାକୁ ଯଦି କେହି ଭଲ ଭାବେ ବୁଝିପାରେ କିମ୍ବା କୌଣସି ବ୍ୟକ୍ତି ସହିତ ଅଧିକରୁ ଅଧିକ ସମୟ ବିତାଇବା ଫଳରେ ଏକ ସୁସମ୍ପର୍କ ସୃଷ୍ଟି ହେବା ସ୍ୱଭାବବିକ । ଯଦି ଅଫିସରେ ଆପଣ ବିପରିତ ଲିଙ୍ଗର କୌଣସି ବ୍ୟକ୍ତିଙ୍କ ଉପରେ ଅଧିକ ବିଶ୍ୱାସ ରଖିଥିବେ ଏବଂ ତା ସହିତ ସବୁ କଥା ସେୟାର କରୁଥିବେ, ଅଫିସରେ ଥଟ୍ଟାମଜା କରୁଥିବେ ଏବଂ ଜଣେ ନଥିଲେ ଅନ୍ୟଜଣଙ୍କୁ ଅଫିସରେ ଭଲ ଲାଗୁନଥିବ । ଏହି ପ୍ରଫେସନାଲ ସମ୍ପର୍କକୁ ଅଫିସ ସ୍ପାଉସ କୁହାଯାଏ ।

ଏପରି ସମ୍ପର୍କକୁ ଆପଣଙ୍କ ଅନ୍ୟ ସମର୍କମୀମାନେ ସହଜରେ ଗ୍ରହଣ କରିନପାରନ୍ତି ଏବଂ କର୍ମକ୍ଷେତ୍ରରେ ଅସୁବିଧାରେ ପକାଇବାକୁ ପ୍ରୟାସ କରିପାରନ୍ତି ।
ସମ୍ପର୍କର ପ୍ରଭାବ କାର୍ଯ୍ୟ ଉପରେ ପଡିବାର ସମ୍ଭାବନା ଖୁବ୍‌ ଅଧିକ, ଯାହା ଫଳରେ ଆପଣଙ୍କ କାର୍ଯ୍ୟ ନିମ୍ନ ସ୍ତରର ହୋଇପାରେ ।
ଯଦି ଆପଣଙ୍କ ନିର୍ଦ୍ଧିଷ୍ଟ ଭାବେ କାର୍ଯ୍ୟ କ୍ଷେତ୍ରରେ ଜଣଙ୍କୁ ପ୍ରାଥମିକତା ଦିଆନ୍ତି କିମ୍ବା ସହାୟତା କରନ୍ତି ତେବେ ଅନ୍ୟ ସହକର୍ମୀମାନେ ଆପଣଙ୍କ ବିରୋଧୀ ହୋଇପାରନ୍ତି ।
ଯଦି ବରିଷ୍ଠ ଓ କନିଷ୍ଠ କର୍ମଚାରୀଙ୍କ ମଧ୍ୟରେ ଏପରି ସମ୍ପର୍କ ସୃଷ୍ଟି ହୋଇଛି ତେବେ ଆପଣ ପଦୋନ୍ନତି ହାସଲ କରିବାକୁ ଏପରି କରିଛନ୍ତି ବୋଲି ଗୁଜବ ସୃଷ୍ଟି ହୋଇପାରେ । ଯଦି କନିଷ୍ଠ କର୍ମଚାରୀଙ୍କ ମଧ୍ୟରେ ଏପରି ସମ୍ପର୍କ ସୃଷ୍ଟି ହୋଇଛି ତେବେ ବରିଷ୍ଠ କର୍ମଚାରୀ ଆପଣଙ୍କୁ ଅସୁବିଧାରେ ପକାଇପାରନ୍ତି କିମ୍ବା ପଦୋନ୍ନତିକୁ ରୋକିପାରନ୍ତି ।
ସାଧାରଣତ ଭାବେ ଏପରି ସମ୍ପର୍କରେ ପୁରୁଷ ତୁଳନାରେ ମହିଳାମାନେ ବେଶୀ ଅପଦସ୍ଥ ହୋଇଥାନ୍ତି । ଚରିତ୍ରକୁ ନେଇ ଅପମାନିତ, ଚାକିରୀ ଛାଡିବା କିମ୍ବା ବଦଳି ନେଇ ଅନ୍ୟତ୍ର ଚାଲିଯାଇଥାନ୍ତି ।
ଆପଣଙ୍କ ସମ୍ପର୍କକୁ ନେଇ ଅନ୍ୟ କର୍ମଚାରୀମାନେ ସବୁବେଳେ ଆଲୋଚନା କରିବା ଫଳରେ ଏହାର ପ୍ରଭାବ କାର୍ଯ୍ୟ ଉପରେ ପଡିଥାଏ । ବିଶେଷ କରି ବରିଷ୍ଠ ଅଧିକାରୀମାନେ ଆପଣଙ୍କ କାର୍ଯ୍ୟରେ କେବେ ସ;ୁଷ୍ଟ ହୋଇନଥାନ୍ତି ।