ଫିଲ୍ମ ‘ହିରୋପନ୍ଥୀ ୨’ ସହ ଟାଇଗର ଶର୍ଫ ଇଦ୍ରେ ଧମାକା କରିବା ପାଇଁ ପୁରାପୁରା ପ୍ରସ୍ତୁତ ଅଛନ୍ତି । ଅହମଦ ଖାନଙ୍କ ନିର୍ଦ୍ଦେଶନାରେ ନିର୍ମିତ ଏହି ଆକ୍ସନ ଫିଲ୍ମ ୨୯ ଏପ୍ରିଲକୁ ସାରା ଦେଶର ସମସ୍ତ ସିନେମାଘରେ ମୁକ୍ତିଲାଭ କରିବ । ନିକଟରେ ଫିଲ୍ମର ଟ୍ରେଲର ରିଲିଜ୍ ହୋଇଛି, ଯାହାକୁ ପ୍ରଶଂସକମାନେ ଖୁବ ପସନ୍ଦ କରୁଛନ୍ତି । ଖାସ୍ କରି ନୱାଜୁଦ୍ଦିନ ସିଦ୍ଧିକିଙ୍କ ଅନ୍ଦାଜ ଏବଂ ଟାଇଗରଙ୍କ ଆକ୍ସନକୁ ପ୍ରଶଂସା କରାଯାଉଛି । କିଛି ଦିନ ତଳେ ଫିଲ୍ମର ନିର୍ଦ୍ଦେଶକ ଅହମଦ ଖାନ ଆଇଏଏନଏସ୍ ସହ ସ୍ୱତନ୍ତ୍ର ସାକ୍ଷାତକାରରେ ଟାଇଗରଙ୍କୁ ଖୁବ ପ୍ରଶଂସା କରିଛନ୍ତି ଏବଂ ତାଙ୍କୁ ଇଣ୍ଡଷ୍ଟ୍ରୀର ସବୁଠୁ ବଡ଼ ଆକ୍ସନ ଷ୍ଟାର ବୋଲି ବିବେଚନା କରିଛନ୍ତି । ଏଥିସହ ଅହମଦ ଖାନ କହିଛନ୍ତି, ‘ଅଭିନେତା ଟାଇଗରଙ୍କ ସହ କାମ କରିବା ତାଙ୍କୁ ସର୍ବଦା ଘର ଲେଉଟାଣି ପରେ ଅନୁଭବ ହୋଇଥାଏ । ଯେଉଁ ପ୍ରକାର ଟାଇଗର କାହାଣୀ ପ୍ରତି ସମର୍ପିତ ହୋଇଯାଆନ୍ତି, ତାହା ନିଶ୍ଚିତ ଭାବେ ପ୍ରଶଂସା ଯୋଗ୍ୟ । ସେ ବର୍ତ୍ତମାନ ଇଣ୍ଡଷ୍ଟ୍ରୀର ସବୁଠୁ ବଡ଼ ଏବଂ କମ୍ ଆୟୁର ଆକ୍ସନ ହିରୋ ।’ ବାଗୀ ୨ ଏବଂ ବାଗୀ ୩ ପରେ ‘ହିରୋପନ୍ଥୀ ୨’ ହେଉଛି ଟାଇଗର ଶର୍ଫ ଏବଂ ନିର୍ଦ୍ଦେଶକ ଅହମଦ ଖାନଙ୍କ ତୃତୀୟ ଫିଲ୍ମ । ସେପଟେ ଅଭିନେତ୍ରୀ ତାରା ସୁତରିଆ ଏବଂ ଟାଇଗର ଦୁଇ ବର୍ଷ ପରେ ପୁଣି ଥରେ ସ୍କ୍ରିନ ସ୍ପେସ୍ ସେୟାର କରୁଥିବା ନଜର ଆସିବେ । ଏହା ପୂର୍ବରୁ ଉଭୟ କଳାକାର ଷ୍ଟୁଡେଣ୍ଟ ଅଫ୍ ଦି ଇୟର ୨ରେ ଏକାଠି କାମ କରିଥିଲେ, ଯାହା ତାରାଙ୍କ ଡେବୁ୍ୟ ଫିଲ୍ମ ଥିଲା ।
ସାକ୍ଷାତକାରରେ ଅହମଦ ଖାନ ଆହୁରି ମଧ୍ୟ କହିଛନ୍ତି ଯେ ଟାଇଗର ଜଟିଳ ଆକ୍ସନ ସିନ୍କୁ ମଧ୍ୟ ଅତି ସହଜରେ କରିଥାନ୍ତି ଏବଂ ଅଭିନେତା ବାସ୍ତବରେ ୨୦୦ ପ୍ରତିଶତ ନିଜ କାମରେ ଲଗାଇଥାନ୍ତି । କେବଳ ସେତିକି ନୁହେଁ ଟାଇଗରଙ୍କ ସହ କାମ କରିବା ଏକ ମଜାଳିଆ ଅନୁଭବ ବୋଲି ପରିଶେଷରେ ନିର୍ଦ୍ଦେଶକ ଅହମଦ ଖାନ କହିଛନ୍ତି । ଏହି ଫିଲ୍ମରେ ନୱାଜୁଦ୍ଦିନ ସିଦ୍ଧିକି ଖଳନାୟକ ଭୂମିକାରେ ଅବତୀର୍ଣ୍ଣ ହୋଇଛନ୍ତି ଏବଂ ତାଙ୍କ ଚରିତ୍ରର ନାମ ଲୈଲା ରହିଛି । ଏହା ପୂର୍ବରୁ ଟାଇଗର ଏବଂ ନୱାଜ ମୁନ୍ନା ମାଇକେଲ୍ ଫିଲ୍ମ ଏକାଠି କାମ କରିଥିଲେ । ତେବେ ଟାଇଗରଙ୍କ ଏହା ପ୍ରଥମ ଇଦ୍ ରିଲିଜ୍ ହେବ । ତେବେ ଟାଇଗରଙ୍କ ଏହି ଗ୍ରାଣ୍ଡ୍ ଆକ୍ସନ ଫିଲ୍ମକୁ ଟMର ଦେବ ସେହି ଦିନ ମୁକ୍ତିଲାଭ କରୁଥିବା ଅଜୟ ଦେବଗନ, ଅମିତାଭ ବଚ୍ଚନ ଏବଂ ରକୁଲ ପ୍ରୀତ ଅଭିନୀତ ଫିଲ୍ମ ରନେୱ ୩୪ । ତେବେ ଏବେ ଠାରୁ ହିଁ ଦର୍ଶକମାନେ ଏହି ଦୁଇଟି ବଡ଼ ଫିଲ୍ମକୁ ଦେଖିବା ପାଇଁ ଉତ୍ସାହିତ ଅଛନ୍ତି ।
2 thoughts on “ଆକ୍ସନ ହିରୋ ଟାଇଗର୍: ଚର୍ଚ୍ଚାରେ ଟାଇଗର ସ୍ରଫ୍”