ମାର୍ଭେଲ ସିରିଜ୍ ଡକଫର ଷ୍ଟ୍ରେଞ୍ଜ୍ ର ଅଭିନେତ୍ରୀ ଜାରା ଫିଥିଆନ୍ ଏବଂ ସ୍ୱାମୀ ଭିକଫର ମାର୍କ ଜଣେ ୧୩ ବର୍ଷର ବାଳିକାକୁ ଯୌନ ଶୋଷଣ କରିଥିବା ଅଭିଯୋଗ ହୋଇଥିଲା । ଖବର ଅନୁଯାୟୀ, ନଟିଂହାମ୍ କ୍ରାଉନ୍ କୋର୍ଟରେ ଯୌନ ଶୋଷଣ ମାମଲାରେ ଜାରାଙ୍କୁ ଏକ ଖଣ୍ଡପୀଠ ଦୋଷୀ ସାବ୍ୟସ୍ତ କରିଛନ୍ତି । ଏହି ମାମଲାରେ କୋର୍ଟ ତାଙ୍କୁ ୮ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି । ତେବେ ଏହା ବ୍ୟତୀତ ଅନ୍ୟ ଜଣେ ଝିଅକୁ ଯୌନ ଶୋଷଣ ଅଭିଯୋଗରେ ଜାରା ଫିଥିଆନ୍ଙ୍କ ଓ ସ୍ୱାମୀ ଭିକଫର ମାର୍କଙ୍କୁ ୧୪ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଛିଛ । ଉଭୟ ଏହି ଅଭିଯୋଗକୁ ଅସ୍ୱୀକାର କରିଥିଲେ ମଧ୍ୟ ଖଣ୍ଡପୀଠ ଏହି ଦମ୍ପତିଙ୍କୁ ଏହି ମାମଲାରେ ଦୋଷୀ ସାବ୍ୟସ୍ତ କରି ଦଣ୍ଡିତ କରିଛନ୍ତି । ଉଭୟ ବର୍ତ୍ତମାନ ଯୌନ ଅପରାଧ ରେଜିଷ୍ଟରରେ ଦସ୍ତଖତ କରିବେ ଏବଂ ତାପରେ ଉଭୟଙ୍କୁ ପିଲାମାନଙ୍କ ସହିତ କାମ କରିବାକୁ ଅନୁମତି ଦିଆଯିବ ନାହିଁ ।
୨୦୦୫ ରୁ ୨୦୦୮ ମଧ୍ୟରେ ଜାରା ଏବଂ ତାଙ୍କ ସ୍ୱାମୀ ଭିକଫର ଏକ ଶିଶୁ ସହିତ ଯୌନ କାର୍ଯ୍ୟରେ ଲିପ୍ତ ଥିବା ଅଭିଯୋଗ ହୋଇଥିଲା ।ତେବେ ପୀଡିତା କହିଛନ୍ତି ଯେ ଏହି ଦମ୍ପତି ତାଙ୍କ ସହ ଡେୟାର ଖେଳ ଖେଳୁଥିଲେ । ଫଳରେ ଏମାନେ ଯାହା କହୁଥିଲେ ମତେ ତାହା କରିବାକୁ ପଡୁଥିଲା । ସେ କହିଛ;ି ଯେ, ମୋତେ ତମେ ନଷ୍ଟ କରି ଦେଇଛ ଏବଂ ମୋତେ କୌଣସି ଶାରୀରିକ ସମ୍ପର୍କ ପାଇଁ ଅଯୋଗ୍ୟ ଛାଡି ଦେଇଛ । ତେବେ ଦଣ୍ଡ ପାଇଁ ଏହି ଦମ୍ପତି ଏକାଠି କୋର୍ଟରେ ହାଜର ହୋଇଥିଲେ । ତେବେ ଜାରା ପୂର୍ବରୁ ଅନେକ ହଲିଉଡ୍ ଫିଲ୍ମରେ ନଜର ଆସିଛନ୍ତି । ସେ ଡାକ୍ତର ଷ୍ଟ୍ରେଞ୍ଜରେ ଜାରା ଫିଥିଆନ୍ ବ୍ରୁନେଟ୍ ଜେଲୋଟ୍ ଭୂମିକାରେ ଅଭିନୟ କରିଥିଲେ । ଏହି ଅଭିନେତ୍ରୀ ୨୦୨୨ ଚଳଚ୍ଚିତ୍ର ଆକ୍ସିଡେଣ୍ଟ ମ୍ୟାନ୍ ୨ରେ ମଧ୍ୟ ଅଭିନୟ କରିଥିଲେ । ତାଙ୍କୁ ୨୦୨୦ ଚଳଚ୍ଚିତ୍ର ଟ୍ରାଇବାଲ୍ ଗେଟ୍ ଆଉଟ୍ ଆଲିଭ୍ରେ ଦେଖିବାକୁ ମିଳିଥିଲା ।
More Stories
ବିବାହ ପୂର୍ବରୁ କରନ୍ତୁନି ଏହି ସବୁ କାମ ନଚେତ୍..
ଦମଦାର ଅଭିନୟରେ ଦର୍ଶକ ଘାଇଲା..
ମୁସଲିମ୍ ବିବାହ ପରେ ସ୍ବରାଙ୍କ ରୂପକୁ ନେଇ ବିବାଦ