ରାଜଧାନୀର ୭୪ତମ ପ୍ରତିଷ୍ଠା ଦିବସ: ଅପରାଜିତାଙ୍କୁ ନାହିଁ ନିମନ୍ତ୍ରଣ
୭୪ ବର୍ଷରେ ପାଦ ଥାପିଛି ରାଜଧାନୀ ଭୁବନେଶ୍ୱର । ଆଜିର ଦିନକୁ ସ୍ମାର୍ଟ ସିଟି ଭୁବନେଶ୍ୱର ପ୍ରତିଷ୍ଠା ଦିବସ ଭାବରେ ପାଳନ କରାଯାଉଛି । ଏହି ଦୀର୍ଘ ୭୪ ବର୍ଷର ଯାତ୍ରାରେ ଘଟିଛି ଅନେକ ପରିବର୍ତ୍ତନ ଓ ବିବର୍ତ୍ତନ । ତେବେ ସବୁଜ ବଳୟ କେତେବେଳେ ଯେ କଂକ୍ରିଟ୍ ଜଙ୍ଗଲ ପାଳଟିଛି ପୁଣି କେତେବେଳେ ଟେମ୍ପଲ ସିଟି ପାଲଟିଛି ସ୍ମାର୍ଟ ସିଟିରେ । ଏହି ଦୀର୍ଘ ୭ ଦଶନ୍ଧୀ ଭିତରେ ବି ରାସ୍ତାଘାଟ ଆଲୋକୀକରଣ ଓ ଅନେକ ବିକାଶ ମୂଳକ କାମକୁ ପ୍ରକୃତ ରୂପରେଖ ଦିଆଯାଇଛି । ଏଠାରେ ଏବେ ସବୁ ପ୍ରକାର ସୁବିଧା ଯଥା ଅତ୍ୟାଧୁନିକ ସ୍ୱାସ୍ଥ୍ୟସେବା, ଶିକ୍ଷା ଏବଂ ସ୍ପୋଟର୍ସର ହବ ଆଦିର ବିକାଶ ଯୁଦ୍ଧକାଳୀନ ଭିତ୍ତିରେ କରାଯାଇଛି । ଜର୍ମାନ ଆର୍କିଟେକ ଓଟୋ କନିଙ୍ଗ୍ସବର୍ଜରଙ୍କ ପରିକଳ୍ପିତ ଏହି ସହର ହେଉଛି ଭାରତର ପ୍ରଥମ ପରିକଳ୍ପିତ ସହର। ଜାମସେଦପୁର ଏବଂ ଚଣ୍ଡୀଗଡ଼ ସହର ମଧ୍ୟ ଏହି ଢାଞ୍ଚାରେ ନିର୍ମିତ ହୋଇଛି। ଆଜି ରାଜଧାନୀ ପ୍ରତିଷ୍ଠା ଦିବସ ଥିବାରୁ ପ୍ରଶାସନ ଓ ବିଭିନ୍ନ ସଂସ୍ଥା ପକ୍ଷରୁ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଛି । ତେବେ ଏପରି ଏକ ବିଶେଷ ଦିନରେ ନିମନ୍ତ୍ରଣ ପାଇନଥିବା ସାଂସଦ ଅପରାଜିତା ଷଡଙ୍ଗୀ ନିଜର କ୍ଷୋଭ ପ୍ରକାଶ କରିଛନ୍ତି । ସେ ଟ୍ୱିଟ୍ କରି କହିଛନ୍ତି ଯେ ଏତେ ବଡ ଦିନରେ ଯୋଉଠି ସମସ୍ତେ ନିମନ୍ତ୍ରୀତ ହୋଇଛନ୍ତି, ସେ ତାଲିକାରେ ମୋର ନାଁ କାହିଁକି ନାହିଁ । ମୋର ଦୋଷ କଣ ବୋଲି ପ୍ରଶ୍ନ କରିଛନ୍ତି ସାଂସଦ ଅପରାଜିତା ଷଡଙ୍ଗୀ ।
6 thoughts on “Bhubaneswr’s 74th foundation day, Aparajita is not invited in this function.”