ବିପଦରେ ୪୪ ବିଲିଅନ୍‌ ଡଲାରର ମସ୍କଙ୍କ ଚୁକ୍ତି

ଦୁନିଆର ସବୁଠାରୁ ଧନୀ ବ୍ୟବସାୟୀ ଏଲୋନ୍‌ ମସ୍କଙ୍କ ୪୪ ବିଲିୟନ ଡଲାରର ଟ୍ୱିଟର ଚୁକ୍ତି ବିପଦରେ ଥିବା ଜଣାପଡିଛି । ସମ୍ପ୍ରତି, ସ୍ପାମ୍‌ ଆକାଉଣ୍ଟଗୁଡିକର ସଠିକ୍‌ ସଂଖ୍ୟା ବିଷୟରେ ସୂଚନା ଅଭାବରୁ ମସ୍କ ଏହି ଡିଲକୁ ବନ୍ଦ କରି ବର୍ତ୍ତମାନ ସ୍ପଷ୍ଟ କରିଛନ୍ତି ଯେ ନକଲି ଆକାଉଣ୍ଟ ସଂଖ୍ୟା ବିଷୟରେ ସଠିକ୍‌ ସୂଚନା ନ ପାଇବା ପର୍ଯ୍ୟନ୍ତ ସେ ଡିଲ୍‌ ସହିତ ଆଗକୁ ବଢିବେ ନାହିଁ । ସ୍ପାମ୍‌ ଆକାଉଣ୍ଟ୍‌ ସମ୍ବନ୍ଧରେ ଏଲୋନ୍‌ ମସ୍କ ଆଜି ଏକ ଅଲଫିମାଟମ୍‌ ପ୍ରଦାନ କରି କହିଛନ୍ତି ଯେ ଟ୍ୱିଟର ସିଇଓ ପାରାଗ ଅଗ୍ରୱାଲ ସ୍ପାମ୍‌ ଖାତାର ପ୍ରମାଣ ନଦେବା ପର୍ଯ୍ୟନ୍ତ ଏହି ଡିଲ୍‌ ହେବ ନାହିଁ ।

୨୦୨୨ ର ପ୍ରଥମ ମାସରେ ଏହାର ମୋନେଟାଇଜଡ୍‌ ଦୈନିକ ସକ୍ରିୟ ଉପଭୋକ୍ତାରେ ସ୍ପାମ୍‌ ଆକାଉଣ୍ଟ ସଂଖ୍ୟା ୫% ରୁ କମ୍‌ ଅଟେ । କମ୍ପାନୀ ଏହା ମଧ୍ୟ କହିଛି ଯେ ଏହା କେବଳ ଏକ ଆକଳନ ଏବଂ ସ୍ପାମ୍‌ ଆକାଉଣ୍ଟ ସଂଖ୍ୟା ଅଧିକ ହୋଇପାରେ । ଯେଉଁଠାରେ, ମସ୍କ ଆକଳନ କରିଛନ୍ତି ଯେ ନକଲି ଆକାଉଣ୍ଟ ସଂଖ୍ୟା ୨୦% ପର୍ଯ୍ୟନ୍ତ ହୋଇପାରେ । କେବଳ ଗତକାଲି ଟ୍ୱିଟରର ସିଇଓ ପ୍ରମାଣ ଦେବାକୁ ମନା କରିଦେଇଥିଲେ, ଯାହା ପରେ ମସ୍କଙ୍କ ଏହି ବିବୃତ୍ତି ଆସିଛି । ତେବେ ଟ୍ୱିଟରରେ ମସ୍କଙ୍କ ୯.୨% ଅଂଶଧନ ଅଛି ।

ଏହାର ସୂଚନା ୪ ଏପ୍ରିଲରେ ପ୍ରକାଶ ପାଇଲା । ପ୍ରାରମ୍ଭିକ ଦାଖଲରେ ମସ୍କ ୪୩ ବିଲିୟନ ଡ଼ଲାର୍‌ ଅଫର୍‌ ଦେଇଥାଇପାରନ୍ତି, କି;ୁ ଅନୁମୋଦନ ପରେ ଏହି ସଂଖ୍ୟା ୪୪ ବିଲିୟନ ଡ଼ଲାରକୁ ବୃଦ୍ଧି ପାଇଛି । ତେବେ ହଠାତ ଏହି ବୃଦ୍ଧି ହେବାର କାରଣ କଣ, ଏହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଗତ ସପ୍ତାହରେ ଆମେରିକାର ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିଶନଙ୍କୁ ଏକ ନୂତନ ଦାଖଲରେ ମସ୍କ କହିଛନ୍ତି ଯେ ଏହି ଅର୍ଥ ନଗଦ ମିଶ୍ରଣ ହେବ । ତେବେ ଏପରି ସ୍ଥିତିରେ ତରତର ହୋଇ ନିଆଯାଇଥିବା ନିଷ୍ପତ୍ତି ଏକ ପ୍ରକାର ଫେଲ ମାରିଥିବା କୁହାଯାଉଛି ।