ବିଶ୍ୱର ଉଚ୍ଚତମ ପାଣିପାଗ କେନ୍ଦ୍ର

ବିଭିନ୍ନ ସମୟରେ ଭିନ୍ନଭିନ୍ନ ଗବେଷଣାକୁ ନେଇ ଚୀନ ଚର୍ଚ୍ଚାରେ ରହିଥାଏ । ବର୍ତ୍ତମାନ ଚୀନ ନିର୍ମାଣ କରିଥିବା ବିଶ୍ୱର ସବୁଠାରୁ ଉଚ୍ଚତମ ପାଣିପାଗ କେନ୍ଦ୍ରକୁ ନେଇ ସବୁଠି ଚର୍ଚ୍ଚା । ଏହି କେନ୍ଦ୍ରଟି ସମୁଦ୍ର ପତନଠାରୁ ପାଖାପାଖି ୮,୮୩୦ ମିଟର ଉଚ୍ଚରେ ରହିଛି । ବୈଜ୍ଞାନିଙ୍କ ଗବେଷଣା ଅନୁଯାୟୀ ଏହି ଷ୍ଟେସନ ଏତେ ଉଚ୍ଚରେ ମଧ୍ୟ ସଠିକ ଭାବେ ପରିଚାଳିତ ହେଉଛି । ଏହି କେନ୍ଦ୍ରଟି ସୌରପ୍ୟାନେଲ୍‌ରେ ପରିଚାଳିତ ହେଉଥିବା ବେଳେ ଏହାକୁ ସମସ୍ତ ପ୍ରତିକୂଳ ପରିସ୍ଥିତିରେ କାମ କରିବା ପାଇଁ ଡିଜାଇନ କରାଯାଇଛି । ଏହା ଅତିକମରେ ୨ବର୍ଷ ପର୍ଯ୍ୟନ୍ତ ଯେ କୌଣସି ବି ପାଣିପାଗରେ କାମ କରିପାରିବ ବୋଲି ବୈଜ୍ଞାନିକମାନେ ମତ ଦେଇଛନ୍ତି । ଏହି କେନ୍ଦ୍ରଟିରେ ଡାଟା ଟ୍ରନ୍ସମିସନ ପାଇଁ ସାଟେଲାଇଟ୍‌ କମୁ୍ୟନିକେସନ ସିଷ୍ଟମ ରହିଛି । ଏଥିରେ ଥିବା ରେଡିଓ ଷ୍ଟେସନ ପ୍ରତି ୧୨ମିନିଟ୍‌ରେ ଟ୍ରାନ୍ସମିସନ କରିବାରେ ସକ୍ଷମ । ଏହି କେନ୍ଦ୍ରଟି ପୂର୍ବରୁ ବ୍ରିଟିଶ ଓ ୟୁଏସ୍‌ ବୈଜ୍ଞାନିକମାନେ କରିଥିବା ରେକର୍ଡକୁ ଭାଙ୍ଗି ନୂଆ ରେକର୍ଡ ସୃଷ୍ଟି କରିବାରେ ସଫଳ ହୋଇଛି । ଏତେ ଉଚ୍ଚରେ ବରଫ ଭିତରେ କଣ ହେଉଛି ଜାଣିବା ପାଇଁ ଚୀନ ଏହି କେନ୍ଦ୍ର ସ୍ଥାପନ କରିଛି,ଯାହା ଅନେକ ନୂଆ ତଥ୍ୟ ପ୍ରଦାନ କରିବ ବୋଲି ଚୀନର ବୈଜ୍ଞାନିକମାନେ ଆଶା କରିଛନ୍ତି ।

https://thetopmost.in/?p=1576

https://thetopmost.in/?p=1501

https://thetopmost.in/?p=1501

https://thetopmost.in/?p=1652