Sehnaaz gill going to debut at bollywood with the super star salman khan.

ବଲିଉଡ୍‌ ଡେବ୍ୟୁ କରିବେ ଶେହନାଜ୍‌ ଗିଲ୍‌
ମୁମ୍ବାଇ: ଅପ୍ରେଲ ୨୯: ବିଗବସ୍‌ ଫେମ୍‌ ଅଭିନେତ୍ରୀ ଶେହନାଜ୍ ଗିଲ ନିଜ କ୍ୟୁଟ ଅନ୍ଦାଜ ପାଇଁ ସମସ୍ତଙ୍କ ମନ ମୋହିଛନ୍ତି । ବିଗବସରେ ସେ ନିଜ ଅନ୍ଦାଜ ଓ ଦିବଙ୍ଗତ ଅଭିନେତା ସିଦ୍ଧାର୍ଥ ଶୁକ୍ଲାଙ୍କ ସହ କେମେଷ୍ଟ୍ରୀ ପାଇଁ ସେ ବେଶ୍‌ ଚର୍ଚ୍ଚା ସାଉଁଟିଥିଲେ । ସଲମାନ ଖାନଙ୍କ ଶୋକୁ ଆସିବା ପରେ ସେ ଗୋଟିଏ ପରେ ଗୋଟିଏ ବଡ ସଫଳତା ହାସଲ କରିବାରେ ଲାଗିଛନ୍ତି । ବର୍ତ୍ତମାନ ସମୟରେ ଆଉ ଏକ ବଡ ଖବର ସାମ୍ନାକୁ ଆସିଛି। ତେବେ ସଲମାନ ଖାନ ଏବଂ ଶେହନାଜଙ୍କୁ ପୁଣି ଥରେ ଏକାଠି ଦେଖିବାକୁ ପାଇବେ ଦର୍ଶକ । ଏଥର କିନ୍ତୁ କୌଣସି ବିଗବସ୍ କିମ୍ବା ଶୋରେ ନୁହେଁ ବରଂ ବଡ ପରଦାରେ ନଜର ଆସିବେ ଶେହନାଜ । ଗଣମାଧ୍ୟମ ରିପୋର୍ଟ ଅନୁଯାୟୀ ସେ ତାଙ୍କ ପ୍ରଥମ ଡେବ୍ୟୁ ସଲମାନ ଖାନଙ୍କ ସହ କରିବାକୁ ଯାଉଛନ୍ତି । ସୂଚନା ଅନୁଯାୟୀ ଶେହନାଜଙ୍କୁ କଭି ଇଦ୍ କଭି ଦିୱାଲୀରେ ଦେଖିବାକୁ ମିଳିବ। ଏହି ଫିଲ୍ମରେ ସଲମାନ ଖାନ ମୁଖ୍ୟ ଭୂମିକାରେ ଅଭିନୟ କରୁଥିବା ବେଳେ ଆୟୁଷ ଶର୍ମା ମଧ୍ୟ ରହିଛନ୍ତି। କୁହାଯାଉଛି ଯେ ଶେହନାଜଙ୍କୁ ଆୟୁଷଙ୍କ ବିପକ୍ଷରେ କାଷ୍ଟ କରାଯାଇଛି। ହେଲେ ବର୍ତ୍ତମାନ ସଲମାନ ଏବଂ ଶେହନାଜଙ୍କଠାରୁ ଏ ନେଇ କୌଣସି ଅଫିସିଆଲି ଘୋଷଣା କରାଯାଇ ନାହିଁ ।