ବୈଜ୍ଞାନିକଙ୍କ ସ୍ମାର୍ଟ ସ୍କ୍ରୁ

ସାଧାରଣତଃ ସ୍କ୍ରୁ ଖୋଲିଲେ ଏହାକୁ ଖୋଲୁଥିବା ବ୍ୟକ୍ତି ହିଁ ଜାଣିପାରନ୍ତି । ତେବେ ବୈଜ୍ଞାନିକମାନେ ଏଭଳି ସ୍କ୍ରୁ ନିର୍ମାଣ କରିଛନ୍ତି, ଯାହା ଢିଲା ହେଲେ ଆପେଆପେ ସୂଚନା ପ୍ରଦାନ କରିବ । ଏହି ସ୍ମାର୍ଟ ସ୍କ୍ରୁ ଟି ଲୋକଙ୍କୁ ବେଶ୍‌ ସାହାଯ୍ୟ କରିବ ବୋଲି ସେମାନେ ଆଶା ପ୍ରକାଶ କରିଛନ୍ତି । ସ୍କ୍ରୁ ଲଗାଯିବା ବେଳେ ଯେତେ ଟାଇଟ୍‌ କରାଯାଇଥିଲେ ବି ଏହାର ଢିଲା ହବାର ସମ୍ଭାବନା ସବୁବେଳେ ରହିଥାଏ । ଏହି ପ୍ରକ୍ରିୟା ବିଭିନ୍ନ ପ୍ରକାରର କାରଣ ଉପରେ ନିର୍ଭର କରିଥାଏ । ଏହି ସ୍ମାର୍ଟ ସ୍କ୍ରୁରେ ଏକ ପ୍ରି ଆଟାଚ୍‌ ୱସାର ରହିଛି ଯେଉଁଥିରେ ପାଇଜୋରେଜିଷ୍ଟିଭ୍‌ ପଦାର୍ଥର ଏକ ସ୍ତର ରହିଛି । ଯେତେବେଳେ ସ୍କ୍ରୁ ଉପରେ କୌଣସି ଯାନ୍ତ୍ରିକ ବଳ ପ୍ରୟୋଗ ହେବ ଏହି ସ୍ତର ଆପେ ଆପେ ବୈଦୁ୍ୟତୁକ ପ୍ରତିରୋଧ ସୃଷ୍ଟି କରିଥାଏ । ଯଦି ସ୍କ୍ରୁ କୌଣସି ବି କାରଣରୁ ଢିଲା ହେବ, ତେବେ ଏହା ଏକ ସଙ୍କେତ ପ୍ରଦାନ କରିବ । ଏମ୍‌ଆଇଓଟିୱାଇ ପ୍ରୋଟୋକଲ ଏବଂ ରେଡିଓ ମୋଡୁଲ ବ୍ୟବହାର କରି ସ୍କ୍ରୁ ଏହି ସଙ୍କେତ ପ୍ରଦାନ କରିବ । ତେବେ ସଙ୍କେତ କିଛି କିମିର ବ୍ୟବଧାନରେ ଥିବା ଷ୍ଟେସନରେ ମଧ୍ୟ ପହଞ୍ଚି ପାରିବ । ଗୋଟିଏ ବେସ୍‌ ପାଖାପାଖି ୧୦୦,୦୦୦ ସ୍ମାର୍ଟ ସ୍କ୍ରୁକୁ ଟ୍ରାକ କରିପାରିବ । ତେବେ ପ୍ରଥମେ ଏହି ସ୍କ୍ରୁ ପରିଚାଳନା ପାଇଁ ବିଦୁ୍ୟତ୍‌ ଏକ ସମସ୍ୟା ପାଲଟିଥିଲା, କିନ୍ତୁ ପରେ ଗବେଷକମାନେ ଏହି ସମସ୍ୟାକୁ ମଧ୍ୟ ସମାଧାନ କରିଥିଲେ । ଏହା ବିଭିନ୍ନ ସମୟରେ ହେଉଥିବା ଦୁର୍ଘଟଣାକୁ ରୋକିପାରିବ ବୋଲି ବୈଜ୍ଞାନିକମାନେ ଆଶା ପ୍ରକାଶ କରିଛନ୍ତି ।

https://thetopmost.in/?p=1742

https://thetopmost.in/?p=1754

https://thetopmost.in/?p=1640

https://thetopmost.in/?p=1800