୧୦୨ବର୍ଷରେ ରେକର୍ଡ

୧୦୨ ବର୍ଷରେ ଲୋକମାନଙ୍କ ପାଇଁ ପାଦେ ଚାଲିବା କଷ୍ଟକର । ହେଲେ ଥାଇଲାଣ୍ଡର ସ୍ୱାଙ୍ଗ ଜନପ୍ରାମ୍‌ ୧୦୨ ବର୍ଷରେ ଦୌଡି ରେକର୍ଡ ସୃଷ୍ଟି କରିଛନ୍ତି । ପରିଣତ ବୟସରେ ସେ ପାଲଟିଛନ୍ତି ସାଉଥ୍‌ ଏସିଆନ୍‌ କଣ୍ଟ୍ରିର ସବୁଠାରୁ ବୟସ୍କ ଧାବକ । ସେ ୧୦୦ମିଟର ଦୌଡରେ ୨୭.୦୮ ସେକେଣ୍ଡ୍‌ ନେଇଛନ୍ତି । ଥାଇଲାଣ୍ଡରେ ଆୟୋଜିତ ୨୬ତମ ଚାମ୍ପିଅନସିପ୍‌ର ୧୦୦-୧୦୫ ବର୍ଗରେ ସ୍ୱାଙ୍ଗ ସମସ୍ତ ଗୋଲï ମେଡାଲକୁ ନିଜ ନାମରେ କରିଛନ୍ତି । ସେ ସେଟ୍‌ କରିଥିବା ନୂଆ ରେକର୍ଡ ଚଳିତ ବର୍ଷର ଫ୍ରେସ୍‌ ରେକର୍ଡ । ଏହାପୂର୍ବରୁ ୨୦୦୯ରେ ୟୁସିଆନ ବୋଲଫ ୯.୫୮ ସେକେଣ୍ଡରେ ଏହି ଦୌଡ ସମ୍ପୂର୍ଣ୍ଣ କରି ରେକର୍ଡ କରିଥିଲେ । ସ୍ୱାଙ୍ଗ ପୂର୍ବରୁ ଚାରିଥର ଆନୁଆଲ୍‌ ଥାଇଲାଣ୍ଡ ମାଷ୍ଟର ଆଥଲେଟ୍‌ସ ଚାମ୍ପିଅନସିପ୍‌ରେ ଭାଗ ନେଇସାରିଛନ୍ତି । ସେ ଏହି ଚାମ୍ପିଅନ୍‌ସିପ୍‌ରେ ବିଭିନ୍ନ ଆଥ୍‌ଲେଟିକ୍‌ କମ୍ପିଟିସନ୍‌ରେ ଭାଗ ନେଇ ଜିତିଛନ୍ତି । ଏତେ ବୟସରେ ଫିଟ୍‌ ରହିବାରଶ୍ରେୟ ମଧ୍ୟ ସେ ଖେଳକୁ ହିଁ ଦେଇଛନ୍ତି । ପ୍ରତିଦିନ ସେ ସକାଳୁ ନିଜ ୭୦ ବର୍ଷର ଝିଅଙ୍କ ସହିତ ଚାଲିବାକୁ ଯାଆନ୍ତି । ଅନ୍ୟ ସମୟ ସେ ନିଜ ଘରେ ହିଁ ବ୍ୟାୟାମରେ ବ୍ୟତିତ କରନ୍ତି । ନିଜର ସକରାତ୍ମକ ଚିନ୍ତା ଧାରା କାରଣରୁ ସେ ଏତେ ବର୍ଷ ବଞ୍ଚିବା ସହିତ ସଫଳ ହୋଇପାରିଛନ୍ତି ବୋଲି ସ୍ୱାଙ୍ଗ ମତ ଦେଇଛନ୍ତି ।