ହିମାଚଳପ୍ରଦେଶରେ ମୁଖ୍ୟମନ୍ତ୍ରୀ ପଦ ପାଇଁ ଟଣାଓଟରା

କିଏ ହେବ ମୁଖ୍ୟମନ୍ତ୍ରୀ, ବହୁମତ ପାଇବା ପରେ ହିମାଚଳପ୍ରଦେଶରେ ବଢୁଛି କଂଗ୍ରେସର ଅଡୁଆ । ମୁଖ୍ୟମନ୍ତ୍ରୀ ପଦରେ କିଏ ବସିବ, ଏହାକୁ ନେଇ କଂଗ୍ରେସ ବିଧାୟକଙ୍କ ମଧ୍ୟରେ ସହମତି ହୋଇପାରୁ ନାହିଁ । ହିମାଚଳପ୍ରଦେଶରେ ସରକାର ଗଠନ ପାଇଁ ବହୁମତ ପାଇବା ପରେ କଂଗ୍ରେସର ଅଡୁଆ ବଢିଛି । ଗତକାଲି ମୁଖ୍ୟମନ୍ତ୍ରୀ ବାଛିବା ପାଇଁ ସିମଲାରେ ଦଳ ପକ୍ଷରୁ ନବନିର୍ବାଚିତ ବିଧାୟକଙ୍କ ବୈଠକ ହୋଇଥିଲା । ବିଧାୟକ ଦଳ ବୈଠକରେ ମୁଖ୍ୟମନ୍ତ୍ରୀ ଭାବେ କୌଣସି ନେତାଙ୍କ ନାଁରେ ସମସ୍ତେ ଏକମତ ନ ହେବାରୁ ସମସ୍ୟା ବଢିଛି । ତେଣୁ ବିଧାୟକ ଦଳ ବୈଠକରେ ପ୍ରସ୍ତାବ ପାରିତ କରାଯାଇଛି, ହିମାଚଳ ମୁଖ୍ୟମନ୍ତ୍ରୀ କିଏ ହେବ, ତାହାର ନିଷ୍ପତ୍ତି କଂଗ୍ରେସ ହାଇକମାଣ୍ଡ ନେବେ । କେନ୍ଦ୍ରୀୟ ପର୍ଯ୍ୟବେକ୍ଷକ ଭୁପେନ୍ଦ୍ର ସିଂ ହୁଡ୍ଡା, ରାଜ୍ୟ ପ୍ରଭାରୀ ରାଜୀବ ଶୁକ୍ଲା ଓ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବଘେଲ ବିଧାୟକଙ୍କ ସହ ୱାନ ଟୁ ୱାନ ଆଲୋଚନା କରି ମତାମତ ନେଇଛନ୍ତିା କୁହାଯାଉଛି କଂଗ୍ରେସ ହାଇକମାଣ୍ଡଙ୍କୁ ଆଜି ସେମାନେ ରିପୋର୍ଟ ଦେବେ । ଆଉ ରିପୋର୍ଟରେ ମୁଖ୍ୟମନ୍ତ୍ରୀ ରେସରେ ଥିବା ୩ ଜଣଙ୍କ ନାଁ ସୁପାରିଶ କରାଯିବ ।