ସ୍କୁଲ୍ ଛାତ୍ରଙ୍କ ଉପରେ ମାଡିଗଲା ମୋ ବସ୍

ସ୍କୁଲ୍ ଛାତ୍ରଙ୍କ ଉପରେ ମାଡିଗଲା ମୋ ବସ୍ । ଚିକିତ୍ସାଧୀନ ଅବସ୍ଥାରେ ସପ୍ତମ ଶ୍ରେଣୀ ଛାତ୍ରଙ୍କ ମୃତ୍ୟୁ । ପୁଣି ମୋ ବସ ବିରୁଦ୍ଧରେ ଆସିଛି ଅଭିଯୋଗ । ଏ ନେଇ ଥାନାରେ ଅଭିଯୋଗ କରିଛନ୍ତି ବାପା, ମା ।  ୟୁନିଟ-8 ସରକାରୀ ବାଳକ ଉଚ୍ଚ ବିଦ୍ୟାଳୟର ସପ୍ତମ ଶ୍ରେଣୀ ଛାତ୍ର ସନ୍ଦିପ କୁମାର ନାୟକ ଦୁର୍ଘଟଣାର ଶିକାର ହୋଇଛନ୍ତି । ସନ୍ଦିପ ଟିଉସନରୁ ଫେରୁଥିବା ସମୟରେ ସ୍କୁଲ ଛକରେ ପ୍ରଥମେ ଏକ ବାଇକ ଧକ୍କା ଦେଇଥିଲା । ସେ ରାସ୍ତାର ଗୋଟିଏ ପାର୍ଶ୍ଵରେ ଛିଡ଼ା ହୋଇଥିବାବେଳେ ଦ୍ରୁତଗତିରେ ମୋ ବସ୍ ଆସି ସନ୍ଦୀପଙ୍କୁ ଧକା ଦେଇଥିଲା । ଗୁରୁତର ଅବସ୍ଥାରେ ପ୍ରଥମେ କ୍ୟାପିଟାଲ ହସ୍ପିଟାଲ ଓ ପରେ କଟକ ବଡ଼ ମେଡ଼ିକାଲ ସ୍ଥାନାନ୍ତର କରାଯାଇଥିଲା । ସେଠାରେ ସନ୍ଦିପଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଘଟଣାକୁ ନେଇ ଶତାବ୍ଦୀ ନଗର ଓ ପ୍ରଗତିନଗରରେ ଜନ ଅସନ୍ତୋଷ ଦେଖିବାକୁ ମିଳିଛି ।