ସିଏମ ପଦ ନେଇ ସସପେନ୍ସ ଜାରି

ସିଏମ ପଦ ନେଇ ସସପେନ୍ସ ଜାରି । କର୍ଣ୍ଣାଟକ ରାଜନୀତି ଉପରେ ସାରା ଦେଶର ନଜର । ଦିଲ୍ଲୀରେ ହୋଇପାରୁନି ନିଷ୍ପତ୍ତି । ସିଦ୍ଧରମୈୟା ମୁଖ୍ୟମନ୍ତୀ ହୁଅନ୍ତୁ ବୋଲି ହାଇକମାଣ୍ଡ ଚାହୁଁଥିବା ବେଳେ ଶିବକୁମାରଙ୍କ ପ୍ରତି ବଢୁଛି ସମର୍ଥନ । ତେବେ ଶିବକୁମାରଙ୍କୁ ବଡ଼ ଦାୟିତ୍ବ ଦେଇ ସନ୍ତୁଷ୍ଟ କରାଯାଇପାରେ । ଡିକେ ଶିବକୁମାର, ଦଳର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କୁ ଭେଟିଛନ୍ତି । ପାଖାପାଖି ୧୫ ମିନିଟ ଧରି ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି । ଏହାପରେ ପରେ ତାଙ୍କୁ ଭେଟିଛନ୍ତି ସିଦ୍ଧରମୈୟା । ଉଭୟ ନେତା ୫୦-୫୦ ଫର୍ମୁଲାରେ ରାଜି ନୁହନ୍ତି ବୋଲି କହିଛନ୍ତି । ତେବେ ଆଜି ବଡ଼ ନିଷ୍ପତ୍ତି ନେବେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜ୍ଜୁନ ଖଡଗେ ।