ସପ୍ତାହକୁ ଦୁଇଦିନ ଛୁଟି ପାଇବେ ବ୍ୟାଙ୍କ କର୍ମଚାରୀ !

ବ୍ୟାଙ୍କ କର୍ମଚାରୀଙ୍କ ପାଇଁ ଖୁସି ଖବର । ଖୁବ୍ ଶୀଘ୍ର ବଦଳିପାରେ ସାପ୍ତାହିକ କାର୍ଯ୍ୟସୂଚୀ । ସପ୍ତାହରେ 2ଟି ଓ୍ବିକଲି ଅଫ ପାଇପାରନ୍ତି କର୍ମଚାରୀ । ଏନେଇ ଚିନ୍ତା କରୁଛି ଇଣ୍ଡିଆନ ବ୍ୟାଙ୍କସ୍ ଆସୋସିଏସନ ବା ଆଇବିଏ । ସପ୍ତାହକୁ 5 ଦିନ ଡ୍ୟୁଟି ପ୍ରସଙ୍ଗରେ ବିଭିନ୍ନ ବ୍ୟାଙ୍କ ୟୁନିଅନର ଦାବିକୁ ଗୁରୁତ୍ବର ସହ ବିଚାର କରୁଛି ଆଇବିଏ । ଯଦି ସପ୍ତାହକୁ 5 ଦିନିଆ କାର୍ଯ୍ୟଦିବସ ନିୟମ ଲାଗୁ କରାଯାଏ ତେବେ ଦୈନିକ କାର୍ଯ୍ୟନିର୍ଘଣ୍ଟକୁ ଅଧିକ 50 ମିନିଟ ବଢାଇବା ଲାଗି ଆଇବିଏ ଚିନ୍ତାକରୁଛି । ଏହି ପ୍ରସ୍ତାବ ସମ୍ପର୍କରେ ଆଇବିଏ ଓ ୟୁନାଇଟେଡ ଫୋରମ ଅଫ ବ୍ୟାଙ୍କ ଏମ୍ପ୍ଲୟିଜ୍ ବା UFBE ସହ ଆଲୋଚନା ହୋଇଛି । UFBEର ପ୍ରସ୍ତାବକୁ କାର୍ଯ୍ୟକାରୀ କରିବା ଲାଗି ଆଇବିଏ ସମ୍ମତି ଜଣାଇଥିବା ସୂଚନା ମିଳିଛି । ସମସ୍ତ ଶନିବାରକୁ ଛୁଟି ଘୋଷଣା କରିବା ଲାଗି ସରକାର ବିଜ୍ଞପ୍ତି ଜାରି କରିବା ପରେ ଏହି ନିୟମ କାର୍ଯ୍ୟକାରୀ ହେବ ।