ସଜାଗ କମିଶନରେଟ ପୋଲିସ

ଲୋକଙ୍କ ସୁରକ୍ଷା ପାଇଁ ସଜାଗ କମିଶନରେଟ ପୋଲିସ । ରାତିରେ ରାଜଧାନୀବାସୀଙ୍କୁ ଶାନ୍ତିରେ ଶୁଆଇବା ପାଇଁ ରାଜରାସ୍ତାରେ ଫୁଟ୍ ପେଟ୍ରୋଲିଂ କରିଛି ପୋଲିସ୍ । ଡିସିପିଙ୍କ ନିର୍ଦ୍ଦେଶ କ୍ରମେ କମିଶନରେଟ ପୋଲିସର ବରିଷ୍ଠ ଅଧିକାରୀ ଏହି ପେଟ୍ରୋଲିଂରେ ସାମିଲ ହୋଇଛନ୍ତି । ଅପରାଧ ଦମନ ପାଇଁ ଭୁବନେଶ୍ବରରେ ସେଫ୍ ସିଟି ଡ୍ରାଇଭକୁ ବ୍ୟାପକ କରାଯାଇଛି । ନିଶା ଚାଲାଣ ଓ ଅପରାଧ ରୋକିବା ପାଇଁ ଚେକିଂ ଓ ବ୍ଳକିଙ୍ଗ୍ ଜୋରଦାର କରାଯାଇଛି । ରାଜଧାନୀରେ ଥିବା ବାର୍, ପବରେ ଚଢାଉ ପରେ ଛକ ବଜାରରେ ଚେକିଂ କରାଯାଉଛି । ଅପରାଧୀଙ୍କ ଉପରେ ଲଗାମ ଲଗାଇ ସହରକୁ ସୁରକ୍ଷିତ ରଖିବାକୁ ଚାଲିଛି ‘ସେଫ ସିଟି ଡ୍ରାଇଭ’ । ଆଗକୁ ମଧ୍ୟ ଏଭଳି ଚେକିଂ ଓ ବ୍ଳକିଙ୍ଗକୁ ବ୍ୟାପକ କରାଯିବ ବୋଲି ସୂଚନା ଦେଇଛନ୍ତି ଡିସିପି ପ୍ରତୀକ ସିଂ।