ରୁଷ୍‌ ନିୟନ୍ତ୍ରଣରେ ୟୁକ୍ରେନର ସୋଲେଦାର

ପୂର୍ବ ୟୁକ୍ରେନର ସୋଲେଦାର ସହର ରୁଷ୍‌ ନିୟନ୍ତ୍ରଣରେ । ଗୁରୁବାର ସନ୍ଧ୍ୟାରେ ରୁଷ୍‌ ବାହିନୀ ଉକ୍ତ ସହରକୁ ସଂପୂର୍ଣ୍ଣ ଦଖଲ କରିଛନ୍ତି ବୋଲି ରୁଷ୍‌ ପ୍ରତିରକ୍ଷା ମନ୍ତ୍ରାଳୟ କହିଛି । ଅନ୍ୟପକ୍ଷରେ ୟୁକ୍ରେନର ପୂର୍ବ ସାମରିକ କମାଣ୍ଡ ମୁଖପାତ୍ର ରୁଷ୍‌ର ଦାବିକୁ ଖଣ୍ଡନ କରିଛନ୍ତି । ସୋଲେଦାର ଏବେ ବି ୟୁକ୍ରେନ ସେନା ନିୟନ୍ତ୍ରଣରେ ଥିବା ସେ କହିଛନ୍ତି । ୟୁକ୍ରେନ ସେନାବାହିନୀ ଏବେ ବି ସୋଲେଦାରରେ ଲଢ଼େଇ ଜାରି ରଖିଛନ୍ତି ବୋଲି ୟୁକ୍ରେନ୍‌ ଦାବି କରିଛି। କ୍ଷୁଦ୍ର ସହର ସୋଲେଦାର ପାଇଁ ଉଭୟ ରୁଷ୍‌ ଏବଂ ୟୁକ୍ରେନ ବିପୁଳ କ୍ଷତି ସହିଲେଣି । ‌ ତେବେ ସୋଲେଦାର ସହର ପାଇଁ ୨ ରାଷ୍ଟ୍ର ମଧ୍ୟରେ ଲଢ଼େଇ ପାଇଁ ପ୍ରାୟ ୫୦୦ରୁ ଅଧିକ ଲୋକ ଏଠାରେ ଫସି ରହିଛନ୍ତି। ସୋଲେଦାର ଅକ୍ତିଆର କରିବା ରୁଷ୍‌ ପାଇଁ ସବୁଠାରୁ ବଡ଼ ସଫଳତା ବୋଲି ଏହା କହିଛି।