ବିବାହ କରିବେ ରଣବୀର କପୁର ଏବଂ ଆଲିଆ ଭଟ୍ଟ । ବଲିଉଡର ଏଇ କ୍ୟୁଟ୍ କପଲ୍ ସବୁବେଳେ ନିଜ ଲଭ୍ ଓ ରୋମାନ୍ସ ପାଇଁ ଚର୍ଚ୍ଚାରେ ଥାନ୍ତି । ତେବେ ଏମାନେ ଶେଷରେ ବିବାହ କରିବାକୁ ଯାଉଛନ୍ତି ।ତେବେ ସଦ୍ୟତମ ରିପୋର୍ଟ ଅନୁଯାୟୀ ରଣବୀର ଏକ ଗ୍ରାଣ୍ଡ ବ୍ୟାଚେଲର ପାର୍ଟି ଆୟୋଜନ କରିବାକୁ ଯାଉଛନ୍ତି ଏବଂ ଏହାର ଅତିଥି ତାଲିକା ମଧ୍ୟ ବାହାରିଛି । ସୂତ୍ରରୁ ପ୍ରକାଶ ଯେ ଅର୍ଜୁନ କପୁର, ଆଦିତ୍ୟ ରୟ କପୁର ଏବଂ ଆୟାନ ମୁଖାର୍ଜୀଙ୍କ ସମେତ ତାଙ୍କର ସମସ୍ତ ଘନିଷ୍ଠ ବନ୍ଧୁ ରଣବୀରଙ୍କ ବ୍ୟାଚଲର୍ ପାର୍ଟିରେ ସାମିଲ ହେବେ। ରଣବୀର, ଅର୍ଜୁନ କପୁର, ଆଦିତ୍ୟ ରୟ କପୁର ଏବଂ ଆୟାନ ମୁଖାର୍ଜୀଙ୍କ ସହ ଅତି ନିକଟତର ଅଟନ୍ତି। ସେଥିପାଇଁ ଏହିମାନେ ହିଁ ତାଙ୍କ ପାଇଁ ବ୍ୟାଚଲର ପାର୍ଟି ପ୍ଲାନ୍ କରୁଛନ୍ତି। ଏହି ନିକଟରେ ୱାର୍କ ଫ୍ରଣ୍ଟରେ ରଣବୀର ଏବଂ ଆଲିଆ ବ୍ରହ୍ମାସ୍ତ୍ର ପାଇଁ ସୁଟିଂ ଶେଷ କରିଛନ୍ତି। କିନ୍ତୁ ଏହା ସହିତ ସେମାନଙ୍କ ପାଖରେ ଫିଲ୍ମର ଲମ୍ବା ଲାଇନ୍ ମଧ୍ୟ ରହିଛି ।
ଆଗକୁ ଲଗାତାର ଭିନ୍ନ ଭିନ୍ନ ଚରିତ୍ରରେ ନଜର ଆସିବେ ଆଲିଆ ଓ ରଣବୀର । ତେବେ ଏହି ବିଜି ସେଡୁଲ୍ ଭିତରେ ବି ନିଜ ବିବାହର ଗ୍ରାଣ୍ଡ ପ୍ଲାନ୍ କରୁଛନ୍ତି ଏହି କ୍ୟୁଟ୍ କପଲ୍ । ତେବେ ଏହି ସାଦିର ସିଜିନରେ ଆଉ ଗୋଟିଏ କପଲର ଏଣ୍ଟ୍ରିକୁ ସମସ୍ତଙ୍କର ଅପେକ୍ଷା ରହିଛି ।
1 thought on “ରଣବୀରଙ୍କ ବ୍ୟାଚଲର ପାର୍ଟି”