ମଝି ଆକାଶରେ ହେଲିକପ୍ଟର ମୁହାଁମୁହିଁ ଧକ୍କା

ମଝିଆକାଶରେ ଦୁଇଟି ହେଲିକାପ୍ଟର ମୁହାଁମୁହିଁ ଧକ୍କା । ଅଷ୍ଟ୍ରେଲିଆର ଗୋଲ୍ଡ କୋଷ୍ଟର ପ୍ରସିଦ୍ଧ ପର୍ଯ୍ୟଟନ ସ୍ଥଳ ୱାର୍ଲ୍ଡ ରିସର୍ଟ ନିକଟରେ ଏହି ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ୪ ଯାତ୍ରୀ ପ୍ରାଣ ହରାଇଥିବା ବେଳେ ଗୁରୁତର ଭାବେ ଆହତ ହୋଇଛନ୍ତି ୩ ଜଣ । ଦୁର୍ଘଟଣା ପରେ ସେଠାରେ ଉଦ୍ଧାର କାର୍ଯ୍ୟ କରାଯାଇ ଗୁରୁତର ଯାତ୍ରୀଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏନେଇ ଘଟଣାର ତଦନ୍ତ କରୁଛି କୁଇନସଲ୍ୟାଣ୍ଡ ପୋଲିସ ସର୍ଭିସ । ଏହି ଘଟଣାର ତଦନ୍ତ କରୁଛି ଅଷ୍ଟ୍ରେଲିଆର ଟ୍ରାନସପୋର୍ଟ ସେଫଟି ବ୍ୟୁରୋ । ସୂଚନା ଅନୁସାରେ, କୁଇନସଲ୍ୟାଣ୍ଡ ଷ୍ଟେଟ ଅନ୍ତର୍ଗତ ଗୋଲ୍ଟ କୋଷ୍ଟର ସି ଓ୍ବାର୍ଲଡ ଥିମ ପାର୍କ ନିକଟରେ ଏକ ହେଲିକପ୍ଟର ଉଡାଣ ଆରମ୍ଭ କରିବା ବେଳେ ଅନ୍ୟ ଏକ ହେଲିକପ୍ଟର ଅବତରଣ କରୁଥିବାରୁ ଏହି ଦୁର୍ଘଟଣା ଘଟିଥିଲା । କୁହାଯାଉଛି ଯେ, ଦୁର୍ଘଟଣା ପରେ ଗୋଟିଏ ହେଲିକାପ୍ଟର ସୁରକ୍ଷିତ ଅବତରଣ କରିବାରେ ସଫଳ ହୋଇଥିବା ବେଳେ ଅନ୍ୟଟି ଘଟଣା ପରେ ତୁରନ୍ତ ଦୁର୍ଘଟଣାଗ୍ରସ୍ତ ହୋଇଛି ।