ବନ୍ଦର ଭଡ଼ାରେ ଦେବ ପାକିସ୍ତାନ

ପାକିସ୍ତାନର ଆର୍ଥିକ ସ୍ଥିତି ଆହୁରି ଭୟଙ୍କର ହେବାରେ ଲାଗିଛି । ଏଥିରୁ ମୁକ୍ତି ପାଇଁ କରାଚି ବନ୍ଦରକୁ ଭଡାସୁତ୍ରରେ ୟୁଏଇକୁ ଦେବେ ପାକିସ୍ତାନ ସରକାର । ଏଥିରୁ ଯାହା ଅର୍ଥ ମିଳିବ ତାକୁ ଆଇଏମଏଫକୁ ଦେଇ ଋଣ ପରିଶୋଧ କରିବେ ବୋଲି ଜଣାପଡିଛି । ପାକିସ୍ତାନ ଅର୍ଥମନ୍ତ୍ରୀ ଇସାକ ଦାରଙ୍କ ଗୁରୁତ୍ବପୂର୍ଣ୍ଣ ବୈଠକ ପରେ ଏଭଳି ନିଷ୍ପତ୍ତି ନିଆଯାଇଛି । ୟୁଏଇକୁ ପୋର୍ଟ ହସ୍ତାନ୍ତର କରିବା ପାଇଁ ପ୍ରକ୍ରିୟା ଆରମ୍ଭ ହୋଇଯାଇଛି । ଏପଟେ ବିଭିନ୍ନ ଦେଶର ରାଷ୍ଟ୍ରଦୁତଙ୍କ ସହ ସାକ୍ଷାତ କରୁଛନ୍ତି ପ୍ରଧାନମନ୍ତ୍ରୀ ସେହେବାଜ ସରିଫ । ଆଇଏମଏଫରୁ ଋଣ ଆଣିବା ନେଇ ଅନ୍ୟ ଦେଶର ସମର୍ଥନ ଲୋଡିଛନ୍ତି । ପୂର୍ବରୁ ଆଇଏମଏଫ ଧାର୍ଯ୍ୟ କରିଥିବା ୬.୫ ବିଲିଅନ ଡଲାରର ଋଣକୁ ପ୍ରଧାନମନ୍ତ୍ରୀ ସେହେବାଜ ସରିଫ ତୁରନ୍ତ ପାଇବା ପାଇଁ ପ୍ରୟାସ କରୁଛନ୍ତି । ପାକିସ୍ତାନର ଆର୍ଥିକ ସ୍ଥିତି ଦୁର୍ବଳ ହେଉଥିବାରୁ ଆଇଏମଏଫରୁ ଋଣ ଆଣି ସୁଧାରିବାକୁ ଚେଷ୍ଟା କରୁଛନ୍ତି ପାକିସ୍ତାନ ସରକାର । ଦରବୃଦ୍ଧି ନିୟନ୍ତ୍ରଣ ସହ ଖାଦ୍ୟ ସାମଗ୍ରୀର ଅଭାବକୁ ପୂରଣ କରିବାକୁ ଫୋକସରେ ରଖିଛନ୍ତି ସରକାର ।