ଫିଲ୍ମ ଚାଲୁଥିବାବେଳେ ହଠାତ ହଲରେ ପହଞ୍ଚିଗଲେ ରକି-ରାନୀ !

ବର୍ତ୍ତମାନ ପ୍ରେକ୍ଷାଳୟରେ ପ୍ରଶଂସା ସାଉଁଟୁଛି ‘ରକି ଔର୍‌ ରାନୀ କି ପ୍ରେମ କାହାନୀ’ । ବକ୍ସ ଅଫିସରେ ଖୁବ୍ ଭଲ ରୋଜଗାର କରୁଛି ଆଲିଆ ଏବଂ ରଣବୀରଙ୍କ ‘ରକି ଔର୍‌ ରାନୀ କି ପ୍ରେମ କାହାନୀ’ । ଏହାରି ଭିତରେ ରଣବୀର ଏବଂ ଆଲିଆ ପୁଣି ଥରେ ଚର୍ଚ୍ଚାକୁ ଆସିଛନ୍ତି । ସେମାନେ ଥିଏଟର୍‌ରେ ଲୋକ ଭିଡ଼ ଜମିଥିବା ବେଳେ ସେଠାରେ ଯାଇ ପହଞ୍ଚିଥିଲେ । ସିନେମା ହଲ୍‌ ଭିତରେ ରକି ଆଉ ରାନୀଙ୍କୁ ଦେଖି ପ୍ରଶଂସକ ଖୁବ୍‌ ଉତ୍ସାହିତ ହୋଇ ଯାଇଥିଲେ । ପ୍ରଶଂସକମାନେ ଅଭିନେତା ଓ ଅଭିନେତ୍ରୀଙ୍କୁ ଦେଖିବା ପରେ ପୂରା ଘେରି ଯାଇଥିଲେ । ଏହି ଅବସରରେ ସିନେ ନିର୍ମାତା କରଣ ଜୋହର ମଧ୍ୟ ସେମାନଙ୍କ ସହ ହଲ୍‌କୁ ଯାଇଥିଲେ । ଲୋକମାନେ ସେମାନଙ୍କ ଚଳଚ୍ଚିତ୍ରକୁ ପସନ୍ଦ କରୁଛନ୍ତି କି ନାହିଁ  ତାହା ଦେଖିବା ପାଇଁ ଦୁଇ କଳାକାର ନିଜେ ପ୍ରେକ୍ଷାଳୟ ଭିତରକୁ ଯାଇଥିଲେ । ସେମାନଙ୍କୁ ହଠାତ୍‌ ସେଠାରେ ଦେଖି ସମସ୍ତେ ଆଶ୍ଚର୍ଯ୍ୟ ହୋଇ ଯାଇଥିଲେ । ବର୍ତ୍ତମାନ ଏହି  ସମୟର ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଯାଇଛି । ରଣବୀର, ଆଲିଆ ଓ କରଣଙ୍କୁ ଦେଖିବା ପରେ ପ୍ରଶଂସକମାନେ ଫଟୋ ଉଠାଇବା ଆରମ୍ଭ କରି ଦେଇଥିଲେ । ପ୍ରଶଂସକଙ୍କ ସହ ରଣବୀର ତାଙ୍କ ଚରିତ୍ର ରକିଙ୍କ ଶୈଳୀରେ କଥା ହେଉଥିବା ବେଳେ ଫିଲ୍ମକୁ ପସନ୍ଦ କରିଥିବାରୁ ଆଲିଆ ସମସ୍ତଙ୍କୁ ଧନ୍ୟବାଦ୍‌ ଦେଇଛନ୍ତି । ଫିଲ୍ମଟି ଏବେ ସୁଦ୍ଧା ରିଲିଜ୍‌ ହେବାର ୫ ଦିନ ମଧ୍ୟରେ ବିଶ୍ବ ସ୍ତରରେ ୧୧୭ କୋଟି ଟଙ୍କାର ବେପାର କରି ସାରିଲାଣି । ତେବେ ଏହାକୁ ତିଆରି କରିବାକୁ ୧୬୦ କୋଟି ଟଙ୍କା ଖର୍ଚ୍ଚ ହୋଇଛି ।