ଫାଲକନୁମା ଏକ୍ସପ୍ରେସରେ ଅଗ୍ନିକାଣ୍ଡ

ଫାଲକନୁମା ଏକ୍ସପ୍ରେସରେ ନିଆଁ । ହାଓ୍ବଡ଼ାରୁ ସିକନ୍ଦରାବାଦ ଯାଉଥିବା ଫାଲକନୁମା ଏକ୍ସପ୍ରେସର ୩ଟି ବଗିରେ ନିଆଁ ଲାଗିଛି । ସର୍ଟ ସର୍କିଟ୍ ଯୋଗୁଁ ଟ୍ରେନର S-4,S-5, S-6ରେ ନିଆଁ ଲାଗିଥିବା ସନ୍ଦେହ କରାଯାଉଛି । ବୋମାଇପାଲି-ପାଗିଡ଼ିପାଲି ମଧ୍ୟରେ ଟ୍ରେନରେ ନିଆଁ ଲାଗିଥିଲା । ତେବେ ସମସ୍ତ ଯାତ୍ରୀ ସୁରକ୍ଷିତ ଭାବେ ଓହ୍ଲାଇ ଯାଇଥିବା ଦକ୍ଷିଣ କେନ୍ଦ୍ରୀୟ ରେଳପଥ ପକ୍ଷରୁ ସୂଚନା ଦିଆଯାଇଛି । ନିଆଁକୁ ଆୟତ୍ତ କରାଯାଇ ଥିବାବେଳେ ଘଟଣାସ୍ଥଳରେ ରେଳବାଇ ଜେନେରାଲ ମ୍ୟାନେଜର ଅଘଟଣ ନେଇ ତଦନ୍ତ କରୁଛନ୍ତି । ସେପଟେ ଯାତ୍ରୀଙ୍କୁ ସେମାନଙ୍କ ଗନ୍ତବ୍ୟସ୍ଥଳକୁ ଅନ୍ୟ ଟ୍ରେନରେ ପଠାଯାଇଛି ।