ପ୍ରଦୂଷଣ ତାଲିକାର ଅଷ୍ଟମରେ ଭାରତ

ଦିନକୁ ଦିନ ସ୍ବଚ୍ଛତାର ମାନ ହେଉଛି ହ୍ରାସ । ବିଶ୍ବର ସର୍ବାଧିକ ପ୍ରଦୂଷିତ ରାଷ୍ଟ୍ର ତାଲିକାରେ ଅଷ୍ଟମ ସ୍ଥାନରେ ଭାରତ । ବିଶ୍ବର ପ୍ରାୟ ୭ ହଜାର ୩୦୦ ସହର ମଧ୍ୟରୁ ଭାରତର ସହରଗୁଡିକ ଅଧିକ ପ୍ରଦୂଷିତ ଥିବା ଜଣାଯାଇଛି । ସର୍ବାଧିକ ପ୍ରଦୂଷିତ ରାଷ୍ଟ୍ର ତାଲିକାରେ ପ୍ରଥମରେ ରହିଛି ଚାଦ୍ । ଦ୍ବିତୀୟରେ ଇରାକ, ତୃତୀୟରେ ପାକିସ୍ତାନ, ଚତୁର୍ଥରେ ବାହାରିନ, ପଞ୍ଚମରେ ବାଂଲାଦେଶ, ଅଷ୍ଟମରେ ଭାରତ ଓ ଦଶମରେ ତାଜିକସ୍ତାନ ରହିଛି । ସହର ମଧ୍ୟରେ ପାକିସ୍ତାନର ଲାହୋର ପ୍ରଥମ ସ୍ଥାନରେ ଥିବାବେଳେ ଚୀନର ହୋତାନ ସହର ଦ୍ବିତୀୟ ସ୍ଥାନରେ ରହିଛି । ରାଜସ୍ଥାନର ଭିଓ୍ବାଣ୍ଡି ତୃତୀୟ ସ୍ଥାନରେ ଓ ଦିଲ୍ଲୀ ଚତୁର୍ଥ ସ୍ଥାନରେ ରହିଛନ୍ତି । ସେହିପରି ପାକିସ୍ତାନର ପେଶଓ୍ବାର ପଞ୍ଚମ, ବିହାରର ଦରଭଙ୍ଗା ଷଷ୍ଠ, ବିହାରର ପାଟନା ଦଶମ, ଉତ୍ତରପ୍ରଦେଶର ଗାଜିଆବାଦ ଏକାଦଶ ସ୍ଥାନରେ ରହିଛି ।