ପ୍ରଥମ ଦିନରେ ପ୍ରଜା ଦରବାର

ଶପଥ ନେଉ ନେଉ କାମ ଆରମ୍ଭ କଲେ ତେଲଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡୀ । ତେଲଙ୍ଗାନାର ଦ୍ବିତୀୟ ମୁଖ୍ୟମନ୍ତ୍ରୀ ହୋଇଛନ୍ତି ରେବନ୍ତ ରେଡୀ । ଉପମୁଖ୍ୟମନ୍ତ୍ରୀ ମାଲ୍ଲୁ ବିକ୍ରମାର୍କ ରେଡ୍ଡୀ, ବରିଷ୍ଠ ନେତା ଉତ୍ତମ କୁମାର ରେଡୀଙ୍କ ସମେତ ୧୧ ମନ୍ତ୍ରୀ ନେଇଛନ୍ତି ଶପଥ । ଆଜି ସକାଳ ୧୦ଟାରେ ଜ୍ୟୋତିବା ଫୁଲେ ପ୍ରଜା ଭବନରେ ପ୍ରଜା ଦରବାର ବସିବ ବୋଲି ଘୋଷଣା କରିଛନ୍ତି ରେବନ୍ତ । ଶପଥ ନେବା କ୍ଷଣି ମହାଲକ୍ଷ୍ମୀ, ରୟତୁ ଭରୋସା, ଗୃହ ଜ୍ୟୋତି, ଇନ୍ଦିରାମ୍ମା ଇନ୍ଦୁଲୁ, ୟୁବା ବିକାଶମ ଓ ଚେୟୁଥା ଯୋଜନାକୁ କାର୍ଯ୍ୟକାରୀ କରିବା ଲାଗି ସେ କରିଛନ୍ତି ଘୋଷଣା । ପ୍ରତିଶ୍ରୁତି ଅନୁସାରେ ମୁଖ୍ୟମନ୍ତ୍ରୀଙ୍କ ବାସଭବନ ଆଗରେ ଥିବା ଲୁହାର ବ୍ୟାରିକେଡକୁ ସେ ହଟାଇ ଦେଇଛନ୍ତି । ଗତକାଲିର ସମାରୋହରେ ସାମିଲ ହୋଇଥିଲେ କଂଗ୍ରେସ ନେତ୍ରୀ ସୋନିଆ ଗାନ୍ଧୀ, ପ୍ରିୟଙ୍କା ଗାନ୍ଧୀ, ରାହୁଲ ଗାନ୍ଧୀ, ଏଆଇସିସି ସଭାପତି ମଲ୍କିକାର୍ଜୁନ ଖଡଗେ । କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଦରମୈୟା ଓ ଉପମୁଖ୍ୟମନ୍ତ୍ରୀ ଡି.କେ. ଶିବକୁମାର ବି ଉତ୍ସବରେ ସାମିଲ ହୋଇଥିଲେ ।