ପୁଣିଥରେ ଲଞ୍ଚ ହେବ ‘ଆର୍ଟେମିସ୍-୧’ !

ପୁଣିଥରେ ମୁନ୍ ମିଶନ୍ ପାଇଁ ପ୍ରସ୍ତୁତ ନାସା । ୨ ଥର ବିଫଳ ପରେ ପୁଣିଥରେ ‘ଆର୍ଟେମିସ୍-୧’ ଲଞ୍ଚ ହେବାକୁ ଯାଉଛି । ଅକ୍ଟୋବର ୨ ତାରିଖକୁ ବ୍ୟାକଅପ୍ ଭାବେ ସ୍ଥିର କରାଯାଇଥିଲେ ବି ଏହାର ଉତକ୍ଷେପଣ ସେପ୍ଟେମ୍ବର ୨୭ ତାରିଖ ରାତି ୯ଟା ୭ ମିନିଟରେ କରାଯିବାକୁ ଧାର୍ଯ୍ୟ ହୋଇଛି । ଆମେରିକାର ମହାକାଶ ଏଜେନ୍ସି ‘ନାସା’ ପୁଣି ଥରେ ଏହାକୁ ଲଞ୍ଚ କରିବାକୁ ଯାଉଛି । ଏହା ପୂର୍ବରୁ ନାସା ଆର୍ଟେମିସ୍ ୧ ମିଶନକୁ ଦୁଇଥର ଲଞ୍ଚ କରିବାକୁ ଚେଷ୍ଟା କରିଛି । କିନ୍ତୁ ଉଭୟ ଥର ଏହା ବିଫଳ ହେଇଛି । ହାଇଡ୍ରୋଜେନ୍ ଲିକେଜ୍ ହେତୁ ଦ୍ୱିତୀୟ ଉତକ୍ଷେପଣ ବାତିଲ୍ କରିବାକୁ ପଡିଲା । ଏହାକୁ ଠିକ୍ କରି ହାଇଡ୍ରୋଜେନ୍ ଫୁଏଲ ଫିଡ୍ ଲାଇନ୍ ଯୋଡିବା ପରେ, ବର୍ତ୍ତମାନ ଏହାର ପରୀକ୍ଷଣ କରାଯିବ।