ପୁଣି ବିବାଦରେ ‘ଦ କାଶ୍ମୀର ଫାଇଲ୍ସ’

ପୁଣି ବିବାଦରେ ବିବେକ ଅଗ୍ନିହୋତ୍ରୀଙ୍କ ନିର୍ଦ୍ଦେଶିତ ଫିଲ୍ମ ‘ଦ କାଶ୍ମୀର ଫାଇଲ୍ସ’ ।  ସଫଳତାର ଅନେକ ରେକର୍ଡ ଭାଙ୍ଗିଥିଲେ ମଧ୍ୟ ଫିଲ୍ମକୁ ନେଇ ବିବାଦ ଲାଗି ରହିଛି । ନିକଟରେ ଗୋଆରେ ଆୟୋଜିତ ୫୩ତମ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ଅଫ୍ ଇଣ୍ଡିଆ (IFFI)ର ଶେଷ ଦିନରେ ମଧ୍ୟ ଫିଲ୍ମ ଚର୍ଚ୍ଚାରେ ରହିଥିଲା । ଆଇଏଫଏଫଆଇର ଜୁରୀ ମୁଖ୍ୟ ଏହି ଫିଲ୍ମ ଉପରେ ପ୍ରଶ୍ନ ଉଠାଇଛନ୍ତି । ଜୁରୀ ମୁଖ୍ୟ ଏବଂ ଏସ୍ରାଏଲର ଫିଲ୍ମ ମେକର ନାଦବ ଲାପିଡ ଏହି ପିଲ୍ମକୁ ଅଶ୍ଲୀଳ ଓ ପ୍ରୋପାଗଣ୍ଡା ଫିଲ୍ମ କହିଛନ୍ତି । ଫେଷ୍ଟିଭାଲର କ୍ଲୋଜିଂ ସେରିମନି ସମୟରେ ଲାପିଡ ଏହି କଥା କହିଛନ୍ତି । ଏହି ଅବସରରେ କେନ୍ଦ୍ରୀୟ ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ମଧ୍ୟ ଉପସ୍ଥିତ ଥିଲେ । ଫିଲ୍ମର ସ୍କ୍ରିନିଂକୁ ନେଇ ଚକିତ ଓ ସ୍ତବ୍ଧ ଥିବା କହିଛନ୍ତି ନାଦବ । ଫିଲ୍ମକୁ ନିନ୍ଦା କରି ସେ କହିଛନ୍ତି, ଫିଲ୍ମ ଫେଷ୍ଟିଭାଲ ପ୍ରତିଯୋଗିତାରେ ସାମିଲ ହେବା ପାଇଁ ଏହା ଯୋଗ୍ୟ ନୁହେଁ।