ଦେଶକୁ ୫ ଜି ପରେ ଆସୁଛି ୬ଜି ସେବା 

ଦେଶକୁ ୫ ଜି ପରେ ଆସୁଛି ୬ଜି ସେବା । ଏନେଇ ସୂଚନା ଦେଲେ ପ୍ରଧାନମନ୍ତ୍ରୀ ମୋଦି । ୫ଜି ସେବା ଯଦିଓ କାର୍ଯ୍ୟକ୍ଷମ ହେବାରେ ବିଳମ୍ବ ହୋଇଥିଲା ହେଲେ ଏବେଠାରୁ ୬ଜି ସେବା ପାଇଁ ପ୍ରସ୍ତୁତି ଆରମ୍ଭ ହୋଇଗଲାଣି ବୋଲି ମୋଦି କହିଛନ୍ତି । ବୁଧବାର ୬ଜି ଭିଜନ୍ ଡକ୍ୟୁମେଣ୍ଟ ଉପସ୍ଥାପନ କରିଛନ୍ତି ପ୍ରଧାନମନ୍ତ୍ରୀ । ଏହାସହ ୬ଜି ରିସର୍ଚ୍ଚ ଓ ଡେଭଲପମେଣ୍ଟ ଟେଷ୍ଟ ବେଡ୍ ଲଞ୍ଚ କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, ଚଳିତ ଦଶନ୍ଧି ଭାରତର ଟେକ୍ ଏଡ୍ ଅଟେ । ଏବେ ଭାରତର ଟେଲିକମ୍ ଓ ଡିଜିଟାଲ ମଡେଲ ଉନ୍ନତ ଅଛି । ୬ଜି କାର୍ଯ୍ୟକ୍ଷମ ହେଲେ ଡିଜିଟାଲ କ୍ଷେତ୍ର ଆହୁରି ସଶକ୍ତ ହେବ । ଶିଳ୍ପକ୍ଷେତ୍ର, ଶିକ୍ଷାକ୍ଷେତ୍ର, ବିଶେଷ ଲାଭପ୍ରଦ ହେବ ବୋଲି କହିଛନ୍ତି ପ୍ରଧାନମନ୍ତ୍ରୀ ।