ଦିଲ୍ଲୀରେ କଂଗ୍ରେସକୁ ବଡ ଝଟକା

ଦିଲ୍ଲୀରେ କଂଗ୍ରେସକୁ ବଡ ଝଟକା ଲାଗିଛି । ଦଳର ପୂର୍ବତନ ସାଂସଦ ମହାବଲ ମିଶ୍ରା ଆମ୍ ଆଦମୀ ପାର୍ଟିରେ ଯୋଗ ଦେଇଛନ୍ତି । ଏହା ପୂର୍ବରୁ ମହାବଲଙ୍କ ପୁଅ ଆମ୍ ଆଦମୀ ପାର୍ଟି ତରଫରୁ ନିର୍ବାଚନ ଲଢି ବିଧାୟକ ହୋଇସାରିଛନ୍ତି । ମହାବଲ କଂଗ୍ରେସର ପୂର୍ବତନ ସାଂସଦ ଥିବାବେଳେ ସେ ପୂର୍ବାଞ୍ଚଳ ସମାଜର ଜଣେ ବଡ ନେତା । ମହାବଲ ମିଶ୍ରା ଆଜି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପସ୍ଥିତିରେ ଦଳରେ ଯୋଗ ଦେଇଛନ୍ତି । କେଜ୍ରିୱାଲ ଆଜି ପାହାଡଗଞ୍ଜ ଠାରେ ଏକ ଜନସଭା କରୁଥିବା ବେଳେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଛି ।