‘ଢ଼ାଇ କିଲୋର ହାତ ୪୦ କୋଟିର ଆରମ୍ଭ’

ନିକଟରେ ରିଲିଜ୍ ହୋଇଛି ସନ୍ନି ଦେଓଲଙ୍କ ଅଭିନୀତ ଚଳଚ୍ଚିତ୍ର ’ଗଦର-୨’। ଅଗଷ୍ଟ ୧୧ ରେ ରିଲିଜ୍ ହୋଇଥିବା ଏହି ଫିଲ୍ମ ପ୍ରଥମ ଦିନରେ ଭଲ ରୋଜଗାର କରିବା ସହ ଦର୍ଶକଙ୍କ ମନମୋହିଛି । ଫିଲ୍ମର ସଫଳତା ପାଇଁ ଶୁଭେଚ୍ଛାର ସୁଅ ମଧ୍ୟ ଛୁଟିଥିବା ଦେଖିବାକୁ ମିଳିଛି । ଦର୍ଶକଙ୍କଠାରୁ ଆରମ୍ଭ କରି ବଲିଉଡ କଳାକାର ଫିଲ୍ମକୁ ନେଇ ପ୍ରଂଶସା କରିଛନ୍ତି । ତେବେ ଏହି ତାଲିକାରେ ସାମିଲ ହୋଇଛନ୍ତି ବଲିଉଡ ସୁପରଷ୍ଟାର ସଲମାନ ଖାନ । ନିଜର ସୋସିଆଲ ମିଡିଆ ସାଇଟ ଟ୍ବିଟରରେ ’ଗଦର-୨’କୁ ନେଇ ଏକ ପୋଷ୍ଟ କରିଛନ୍ତି । ସେ ଲେଖିଛନ୍ତି କି, ଢ଼ାଇ କିଲୋର ହାତ ୪୦ କୋଟିର ଆରମ୍ଭ । ସନ୍ନି ପାଜି ଏବଂ ’ଗଦର-୨’ ଫିଲ୍ମର ସମସ୍ତ ସଦସ୍ୟଙ୍କୁ ଧନ୍ୟବାଦ । ସଲମାନଙ୍କ ଏହି ପୋଷ୍ଟକୁ ୟୁଜର୍ସମାନେ ପସନ୍ଦ କରିଥିବା ଦେଖିବାକୁ ମିଳିଛି । ତେବେ ’ଗଦର-୨’ର ପ୍ରଥମ ଦିନର ରୋଜଗାର କଥା କହିବା ତାହେଲେ ୪୦ରୁ ୪୫ କୋଟି ଟଙ୍କା ଆୟ ହୋଇଛି । ଦର୍ଶକମାନେ ଫିଲ୍ମକୁ ପସନ୍ଦ କରିଥିବାବେଳେ ଏହା ବକ୍ସ ଅଫିସରେ ହିଟ୍ ହେବ ବୋଲି ଆଶା ରଖିଛି ପ୍ରଯୋଜନା ସଂସ୍ଥା ।