ଚୀନ୍ ସୀମାରେ ଏସ-୪୦୦ ମୁତୟନ କରିବ ଭାରତ

ଚୀନ୍ ସୀମାରେ ଏସ-୪୦୦ ମୁତୟନ କରିବ ଭାରତ । ପୂର୍ବ ଲଦାଖ ଏଲଏସି ନିକଟରେ ଚୀନର ଲଢୁଆ ବିମାନ ଗୁଡ଼ିକ ବାରମ୍ବାର ଉଡ଼ାଣ କରୁଥିବାରୁ ଭାରତର ଚିନ୍ତା ବଢିଯାଇଛି । ଚୀନ ଭାରତକୁ ଉସୁକାଇବାକୁ ଚେଷ୍ଟା କରୁଥିବାବେଳେ ଭାରତ ସଂଯମତା ଅବଲମ୍ବନ କରୁଛି । ତେବେ ଏହି ବିପଦର ମୁକାବିଲା କରିବାକୁ ଭାରତ ଏସ-୪୦୦ ଟ୍ରିଅମ୍ଫ ଏୟାର ଡିଫେନ୍ସ ସିଷ୍ଟମ ଲଦାଖରେ ମୁତୟନ କରିବାକୁ ନିଷ୍ପତ୍ତି ନେଇଛି । ଆସନ୍ତା ୩-୪ ମାସ ଭିତରେ ଏହାକୁ ମୁତୟନ କରାଯାଇପାରେ । ରୁଷଠାରୁ ମିଳିଥିବା ପ୍ରଥମ ଏସ-୪୦୦ ପାକିସ୍ତାନ ସୀମାରେ ମୁତୟନ ହୋଇଛି । ୨ୟ ଏସ-୪୦୦ ଯୋଗାଣ ଆରମ୍ଭ ହୋଇଯାଇ ଥିବାବେଳେ ଏହାକୁ ଚୀନ ସୀମାରେ ମୁତୟନ କରାଯିବାକୁ ନିଷ୍ପତ୍ତି ନିଆଯାଇଛି । ଏହାର ମୁତୟନ ପରେ ଶତ୍ରୁପକ୍ଷର ଯେକୌଣସି ଲଢୁଆ ବିମାନ, ଡ୍ରୋନ, କ୍ଷେପଣାସ୍ତ୍ରକୁ ଏହା ଠାବ କରି ନଷ୍ଟ କରିଦେବ ।