ଚିଲିକାରେ ହେବ ମତ୍ସ୍ୟ ଅବତରଣ କେନ୍ଦ୍ର

କୌଳିକ ବୃତ୍ତିକୁ ପ୍ରାଧାନ୍ୟ ଦେବାକୁ ଅଣ୍ଟା ଭିଡିଲେ ରାଜ୍ୟ ସରକାର । ଚିଲିକାରେ ପ୍ରତିଷ୍ଠା ହେବ ମତ୍ସ୍ୟ ଅବତରଣ କେନ୍ଦ୍ର । ପୂରଣ ହେବ ଚିଲିକାରେ ମାଛ ଧରି ଜୀବିକା ନିର୍ବାହ କରୁଥିବା ଲୋକ ଦାବି । ଦୀର୍ଘଦିନ ହେବ ମାଛ ଧରା ଜେଟି ନିର୍ମାଣ କରିବାକୁ ଦାବି ହୋଇ ଆସୁଥିଲା । ରାଜ୍ୟ ସରକାର ୧୮ କୋଟି ଟଙ୍କା ମଞ୍ଜୁର କରିବା ପରେ ଜେଟି ନିର୍ମାଣ ପାଇଁ ଆରମ୍ଭ ହୋଇଛି ପ୍ରକ୍ରିୟା । ଟଙ୍କା ମଞ୍ଜୁର ପରେ ରାଜସ୍ୱ ବିଭାଗ ପକ୍ଷରୁ ଆରମ୍ଭ ହୋଇଯାଇଛି ଜମି ହସ୍ତାନ୍ତର ପ୍ରକ୍ରିୟା । ଚିଲିକା ତହସିଲଦାର ଦଧିବାମନପୁର ମୌଜାରେ ୫ ଏକର ପରିମିତ ଜମିକୁ ଫିସରୀ ବିଭାଗକୁ ହସ୍ତାନ୍ତର କରିଛନ୍ତି । ଏଥିରେ ରହିବ ଡଙ୍ଗା ଅବତରଣ କେନ୍ଦ୍ର, ମାଛ ନିଲାମ ହଲ, ପାନୀୟ ଜଳ ସହ ପାଇଖାନାର ବ୍ୟବସ୍ଥା । ଫଳରେ ଦଲାଲ ରାଜ ଲୋକ ପାଇବା ସହ ମତ୍ସ୍ୟଜୀବୀଙ୍କୁ ମିଳିବ ଉଚିତ ମୂଲ୍ୟ । ଏହାଦ୍ବାରା ପ୍ରାୟ ୫୦ ହଜାର ମତ୍ସ୍ୟଜୀବୀ ଲାଭବାନ ହୋଇପାରିବେ । ଦୀର୍ଘଦିନର ଦାବି ସରକାର ପୂରଣ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ଅଞ୍ଚଳବାସୀ ।