ଚଳନ୍ତା ଟ୍ରେନ୍‌ରେ ଚଢ଼ିଲେ ଗୋଟିଏ ଦିନ ଥାନାରେ ଅଟକ

ଏଣିକି ସାବାଡ଼ ହେବେ ଅମାନିଆ ଯାତ୍ରୀ । ଚଳନ୍ତା ଟ୍ରେନ୍‌ରେ ଚଢ଼ିଲେ ଦିନେ ଅଟକ । ଚଳନ୍ତା ଟ୍ରେନ୍‌ରେ ଚଢ଼ିଲେ ଆଉ ଅମାନିଆ ରେଳ ଯାତ୍ରୀଙ୍କୁ ବରଦାସ୍ତ କରାଯିବ ନାହିଁ । ସେମାନଙ୍କୁ ଗୋଟିଏ ଦିନ ଥାନାରେ ଅଟକ ରଖାଯିବାକୁ ଆରପିଏଫ୍ ପୁଲିସ ନିଷ୍ପତ୍ତି ନେଇଛି । ଆଜି ସକାଳୁ ଆରପିଏଫ୍ ପୁଲିସ ଏହି ଡ୍ରାଇଭ୍ ଆରମ୍ଭ କରିବାକୁ ଯାଉଛି । ଶନିବାର ଅପରାହ୍ନରେ ଜଣେ ଯାତ୍ରୀ ଚଳନ୍ତା ଟ୍ରେନରେ ଚଢ଼ୁଥିବା ବେଳେ ଖସିପଡ଼ିବାରୁ ଅଳ୍ପକେ ମୃତ୍ୟୁ ମୁଖରୁ ବର୍ତ୍ତିଯାଇଥିଲେ। ଏହା ପରେ ଆରପିଏଫ୍ ପୁଲିସ ଏଭଳି ନିଷ୍ପତ୍ତି ନେଇଛି।