ଖୋଲିଲା କଲମା ଡ୍ୟାମ୍ ଗେଟ୍

ଉପରମୁଣ୍ଡରେ ପ୍ରବଳ ବର୍ଷା, କଲମା ଡ୍ୟାମ ଗେଟ ଖୋଲିବା ପ୍ରକ୍ରିୟା ଆରମ୍ଭ । ଉପରମୁଣ୍ଡରେ ବର୍ଷା ଯୋଗୁଁ କଲମା ଡ୍ୟାମର ଗେଟ୍ ଖୋଲା ପ୍ରକ୍ରିୟା ଆରମ୍ଭ କରିଛି ଛତିଶଗଡ । ଗତକାଲି ରାତି ପର୍ଯ୍ୟନ୍ତ କଲମା ଡ୍ୟାମର ୯ଟି ଗେଟ ଖୋଲାଯାଇଥିବା ସୂଚନା ମିଳିଛି । ହୀରାକୁଦ ଜଳ ଭଣ୍ଡାରକୁ ଜଳ ପ୍ରବେଶର ମାତ୍ରା ବଢିଥିବାରୁ କଲମା ଡ୍ୟାମ୍ ଗେଟ୍ ଖୋଲାଯାଇଥିବା ଏକପ୍ରକାର ସ୍ପଷ୍ଟ ହୋଇଛି । ଦୁଇଦିନ ତଳେ ହୀରାକୁଦ ଜଳଭଣ୍ଡାରକୁ ଜଳ ପ୍ରବେଶର ମାତ୍ରା ୧୦୦୦ ଘନଫୁଟରୁ କମ ଥିବା ବେଳେ, ଆଜି ହୀରାକୁଦକୁ ପ୍ରତି ସେକେଣ୍ଡରେ ଜଳ ପ୍ରବେଶର ମାତ୍ରା ୯୫୨୩କୁ ବୃଦ୍ଧି ପାଇଛି ।