ଆଗାମୀ କୁମାର ପୂର୍ଣ୍ଣିମାରେ ରାହୁଗ୍ରସ୍ତ ଖଣ୍ଡ ଗ୍ରାସ ଚନ୍ଦ୍ର ଗ୍ରହଣ ପଡୁଥିବା ହେତୁ ଶ୍ରୀମନ୍ଦିରରେ ଅନୁଷ୍ଠିତ ହେବ ସ୍ଵତନ୍ତ୍ର ନୀତି । ତେବେ ପରମ୍ପରା ଅନୁସାରେ କୁମାର ପୂର୍ଣ୍ଣିମୀ ଦିନ ଚକ୍ରରାଜ ସୁଦର୍ଶନଙ୍କ ଚାରିଆଶ୍ରମ ବିଜେ ନୀତି ରହିଛି । ଏନେଇ ପରିକ୍ରମା କାର୍ଯ୍ୟ ଗ୍ରହଣ ସ୍ପର୍ଶର ୯ ଘଣ୍ଟା ପୂର୍ବରୁ ସମ୍ପନ୍ନ କରାଯିବ । ଏ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ବତନ୍ତ୍ର ନୀତି ନିର୍ଘଣ୍ଟ କରାଯାଇଥିବା ବେଳେ ପାଳିଆ ସେବାୟତଙ୍କ ସହଯୋଗ ଲୋଡ଼ାଯାଇଛି । ପ୍ରାୟ ୧ଘଣ୍ଟା ୧୯ ସେକଣ୍ଡ ପର୍ଯ୍ୟନ୍ତ ଚନ୍ଦ୍ର ଗ୍ରହଣ ଦେଖିବାର ସୁଯୋଗ ମିଳୁଥିବା ବେଳେ ୬ଟି ରାଶି ପାଇଁ ଅଶୁଭ ଓ ଅନ୍ୟ ୬ଟି ରାଶି ପାଇଁ ଶୁଭଫଳ ରହିଥିବା ଜୌତିର୍ବିଦ ମତ ରଖିଛନ୍ତି। ତେବେ ଏହି ଗ୍ରହଣ ରାତ୍ରି ୧ଘଣ୍ଟା ୪ ମିନିଟ୍ ୫୫ ସେକେଣ୍ଡ ଆରମ୍ଭ ହେବ ଗ୍ରହଣର ସ୍ପର୍ଶ ସମୟ। ରାତି ୨ଟା ୨୪ମିନିଟ୍ ୨ ସେକେଣ୍ଡରେ ଗ୍ରହଣ ସର୍ବମୋକ୍ଷ । ମୋଟ ଗ୍ରହଣର ଅବଧି ୧ଘଣ୍ଟା ୧୯ମିନିଟ ୭ସେକେଣ୍ଡ ରହିବ। ଗ୍ରହଣର ୯ ଘଣ୍ଟା ପୂର୍ବରୁ ଅର୍ଥାତ୍ ଦିବା ୪ ଘଣ୍ଟା ୪ ମିନିଟ୍ ୫୫ ସେକେଣ୍ଡ ଠାରୁ ରାତ୍ର ୨ଟା ୨୪ମିନିଟି ୨ସେକେଣ୍ଡ ପର୍ଯ୍ୟନ୍ତ ପାକତ୍ୟାଗ, ଅନ୍ନ ଭୋଜନ ଓ ଦେବନୀତି ନିଷିଦ୍ଧ । ଏନେଇ ଶ୍ରୀମନ୍ଦିରର ସ୍ଵତନ୍ତ୍ରତାକୁ ଦୃଷ୍ଟିରେ ରଖି ଗ୍ରହଣ ସ୍ପର୍ଶ ହେବା ମାତ୍ରେ ମହାପ୍ରଭୁଙ୍କର ଦେଵନୀତି ଆରମ୍ଭ କରାଯିବ। ଶ୍ରୀମନ୍ଦିରରେ ଗ୍ରହଣ ସ୍ପର୍ଷ ପରେ ଶ୍ରୀଜିଉଙ୍କ ମହାସ୍ନାନ, ଗ୍ରହଣ ଖଇକୋରା ଭୋଗ ନୀତି ସମ୍ପନ୍ନ କରାଯାଇ ଅନ୍ୟାନ୍ୟ ନୀତି ଅନୁଷ୍ଠିତ ହେବ । ପୂର୍ଣ୍ଣମୀ ଦିନ ସୁଦର୍ଶନଙ୍କ ଚାରିଆଶ୍ରମ ବିଜେ ଭଳି ବିଶେଷ ନୀତି ରହିଥିବା ବେଳେ ପୂର୍ଣ୍ଣିମା ପରଦିନ ଠାରୁ କାର୍ତ୍ତିକ ବ୍ରତ ପାଇଁ ହବିଷ୍ୟାଳୀଙ୍କ ବ୍ରତ ଶଙ୍କଳ୍ପ ନୀତି ସମ୍ପାଦନ କରାଯିବ । ଅନ୍ୟପଟେ ଜ୍ୟୋତିର୍ବିଦଙ୍କ ମତ ଅନୁସାରେ ଆଗାମୀ ଗ୍ରହଣ ମେଷ, ବୃଷ, କର୍କଟ, ସିଂହ, କନ୍ୟା ଓ ତୁଳା ପାଇଁ ଅଶୁଭ ଥିବା ବେଳେ ମିଥୁନ, ବିଛା, ଧନୁ , ମକର, କୁମ୍ଭ ଓ ମୀନ ରାଶି ପାଇଁ ଶୁଭ ଫଳଦାୟକ ।
“The eyes believe themselves, the ears believe other people.”
More Stories
ରାମ ନବମୀ ପାଇଁ ଅନୁମତି ନାହିଁ
ରାମ ନବମୀରେ ଅଯୋଧ୍ୟାରୁ ଲାଇଭ୍ ଷ୍ଟ୍ରିମ୍ କରିବେ ବଚ୍ଚନ୍
କେମିତି ଦେଖିବେ ରାମ ଲାଲାଙ୍କ ଅଭିଶେକ ସହିତ ସୂର୍ଯ୍ୟତିଳକ ବିଧି