ଓଡିଶା ଆସିବାକୁ ଆଗ୍ରହୀ FBI, କେନ୍ଦ୍ରର ଅନୁମତିକୁ ଅପେକ୍ଷା

ସ୍ବର୍ଗତ ନବ ଦାସ ହତ୍ୟା ମାମଲା । ତଦନ୍ତରେ ସହଯୋଗ ପାଇଁ ଓଡ଼ିଶା ଆସିପାରେ ଏଫବିଆଇର ବିଏୟୁ । କ୍ରାଇମବ୍ରାଞ୍ଚ ପକ୍ଷରୁ ଯୋଗାଯୋଗ ପରେ ବିହେବିଏରାଲ ୟୁନିଟ୍  ଆଗ୍ରହ ପ୍ରକାଶ କରିଥିବା ସୂଚନା । ହେଲେ କେନ୍ଦ୍ର ଗୃହମନ୍ତ୍ରାଳୟର ଅନୁମତିକୁ ଅପେକ୍ଷା ରହିଛି । ସେପଟେ ରାଜ୍ୟ ସରକାରଙ୍କ ତରଫରୁ ସରକାରୀ ସ୍ତରରେ ଆମେରିକା ତଦନ୍ତକାରୀ ସଂସ୍ଥା ଏଫବିଆଇ ସହ ଯୋଗାଯୋଗ କରିବା ଆରମ୍ଭ ହୋଇଛି । ବର୍ତ୍ତମାନ ସୁଦ୍ଧା ତଦନ୍ତର ସମସ୍ତ ରିପୋର୍ଟ, ବିଭିନ୍ନ ଟେଷ୍ଟ ରିପୋର୍ଟ, ଏଫଆଇଆର କପି ସହ ପ୍ରଥମେ ଗୃହମନ୍ତ୍ରାଳୟ ନିକଟକୁ ପଠାଇବା ପାଇଁ ପ୍ରସ୍ତୁତି ଆରମ୍ଭ ହୋଇଛି । ଏଥିପାଇଁ କ୍ରାଇମବ୍ରାଞ୍ଚ ଏକ ଟିମ୍ ମଧ୍ୟ ଗଠନ କରିବ । ଏହାପରେ କେନ୍ଦ୍ର ଗୃହମନ୍ତ୍ରାଳୟ ଏଫବିଆଇ ସହ ଯୋଗାଯୋଗ କରିବ । ତେବେ ମୁଖ୍ୟତଃ ଗୋପାଳର ଆଚରଣ ବିଶ୍ଲେଷଣ କରିବାରେ ଏଫବିଆଇ ସହାୟତା କରିବ ବୋଲି ସୂଚନା ରହିଛି ।