ରଙ୍ଗାରଙ୍ଗ କାର୍ଯ୍ୟକ୍ରମରେ ଶେଷ ହୋଇଛି ହକି ବିଶ୍ବକପ୍ ଉଦଘାଟନୀ ଉତ୍ସବ । ଉତ୍ସବରେ ସମ୍ମାନିତ ଅତିଥି ଭାବେ କେନ୍ଦ୍ର ଯୁବ ବ୍ୟାପାର ଓ କ୍ରୀଡ଼ାମନ୍ତ୍ରୀ ଅନୁରାଗ ଠାକୁର ଯୋଗଦେଇଥିଲେ । ସେ କହିଥିଲେ ଯେ ହକି ପୁରୁଷ ବିଶ୍ବକପ୍ ଭାରତ ଆୟୋଜନ କରିବା ଆମ ପାଇଁ ଏକ ଗୌରବର ବିଷୟ । ଓଡ଼ିଶାରେ ଏହା ଦ୍ବିତୀୟଥର ପାଇଁ ଆୟୋଜନ ହୋଇଥିବା ବେଳେ ଏହାର ସ୍ବତନ୍ତ୍ରତା ରହିଛି । କଟକରେ ଏଭଳି ଏକ ଭବ୍ୟ ସମାରୋହ ଆୟୋଜନ କରିଥିବାରୁ ଠାକୁର ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜ୍ଞାପନ କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏ କ୍ଷେତ୍ରରେ ଅବଦାନ ଭାରତର ସହଯୋଗ ସଂଘୀୟ ବ୍ୟବସ୍ଥାର ପ୍ରମାଣ ବୋଲି ସେ କହିଥିଲେ । ସେ ଆହୁରି ମଧ୍ୟ କହିଥିଲେ ଯେ ୧୯୨୮, ୧୯୩୨ ଓ ୧୯୩୬ ଅଲିମ୍ପିକ୍ସରେ ଲଗାତାର ୩ଥର ସ୍ବର୍ଣ୍ଣ ପଦକ ଜିତି ମେଜର ଧ୍ୟାନ ଚାନ୍ଦ ଯେଉଁ ଇତିହାସ ସୃଷ୍ଟି କରିଥିଲେ ବଲବୀର ସିଂହ ୧୯୪୮, ୧୯୫୨, ୧୯୫୬ ଅଲିମ୍ପିକ୍ସରେ ହାଟ୍ରିକ ସ୍ବର୍ଣ୍ଣ ପଦକ ଜିତି ଇତିହାସ ଦୋହରାଇଥିଲେ । ଦୀର୍ଘ ଦିନ ବ୍ୟବଧାନରେ ଅଲିମ୍ପିକ୍ସରେ ବ୍ରୋଞ୍ଜ୍ ପଦକ ଜିତିଛି ଭାରତ । ଏବଂ ହକିରେ ପୁଣି ଇତିହାସ ସୃଷ୍ଟି କରିବାକୁ ଯାଉଛି । ବିଶ୍ବରେ ବିଭିନ୍ନ ସ୍ଥାନରେ ହୋଇଥିବା ଭବ୍ୟ ସମାରୋହ ମଧ୍ୟରୁ ଆଜିର ଏହି ସମାରୋହ ଅନ୍ୟତମ ବୋଲି ଅନୁରାଗ ଠାକୁର କହିଥିଲେ ।
“The eyes believe themselves, the ears believe other people.”
More Stories
ରାଜ୍ୟରେ ପୁଣି ଲଜ୍ଜା, ଗଣ ଦୁଷ୍କର୍ମ ସହ ହତ୍ୟା ଆରୋପ
ଏଥର ଏସସିବିରେ ଉପଲବ୍ଧ ଏମ୍ଏନ୍ସିୟୁ ସୁବିଧା, ମା ସହ ଚିକିତ୍ସା ପାଇବେ ଶିଶୁ
ଓଡ଼ିଶାରେ ସୃଷ୍ଟି ହେଲେ ୧୦ ଲକ୍ଷରୁ ଅଧିକ ଲକ୍ଷପତି ଦିଦି