ଆଜି ଭାରତ-ପାକିସ୍ତାନ ହାଇଭୋଲଟେଜ ମ୍ୟାଚ୍

ଆଜି ପୁଣି ଅଧାରୁ ଭାରତ-ପାକିସ୍ତାନ ହାଇଭୋଲଟେଜ ମ୍ୟାଚ୍ । ସଂରକ୍ଷିତ ଦିବସରେ ମ୍ୟାଚ୍ ଖେଳାଯିବ । ଦିନ ୩ଟାରେ ପଡ଼ିଆକୁ ଓହ୍ଲାଇବେ ଉଭୟ ଦଳ । ଗତକାଲି ପାକିସ୍ତାନ ଟସ୍ ଜିତିଥିବାବେଳେ ପ୍ରଥମେ ବ୍ୟାଟିଂ କରିଥିଲା ଭାରତ । ଆରମ୍ଭରୁ ଦମଦାର ପ୍ରଦର୍ଶନ କରିଥିଲେ କ୍ୟାପଟେନ ରୋହିତ ଶର୍ମା ଓ ଶୁଭମନ ଗିଲ୍ । ରୋହିତ ୫୬ ରନ କରି ଆଉଟ ହୋଇଥିବାବେଳେ ଗିଲ୍ ୫୮ ରନ କରିଥିଲେ । ପରେ ବିରାଟ ଓ କେଏଲ ରାହୁଲ ଦଳୀୟ ସ୍କୋରକୁ ଆଗେଇ ନେଇଥିଲେ । ୨୪.୧ ଓଭରରେ ୧୪୭ ରନ୍ କରିଥିଲା ଇଣ୍ଡିଆ । ଏହି ସମୟରେ ବର୍ଷା ଯୋଗୁ ମ୍ୟାଚ୍ ବାଧାପ୍ରାପ୍ତ ହୋଇଥିଲା । ଫଳରେ ପଡ଼ିଆକୁ ଓହ୍ଲାଇବାକୁ ସକ୍ଷମ ହୋଇନଥିଲେ ଖେଳାଳି । ଶେଷରେ ମ୍ୟାଚକୁ ସ୍ଥଗିତ ରଖାଯାଇଥିଲା ।