ଅଲିଭ୍ ରିଡଲେଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା

ଅଲିଭ୍ ରିଡଲେଙ୍କ ପାଇଁ ପୁରୀ ଜିଲ୍ଲା ବନ୍ୟପ୍ରାଣୀ ଉପଖଣ୍ଡର ପଦକ୍ଷେପ । ବିରଳ ଅଲିଭ୍ ରିଡଲେଙ୍କ ମିଳନ ଋତୁ ଆସିଛି । ଏଥିପାଇଁ ପୁରୀ ଜିଲ୍ଲା ବନ୍ୟପ୍ରାଣୀ ଉପଖଣ୍ଡ ପକ୍ଷରୁ ସମୁଦ୍ରରେ ମାଛ ଧରା ଉପରେ କଟକଣା ଲାଗିଛି । ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଏହି କଟକଣା ଲଗାଯାଇଛି । ଏହା ସହ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ସମୁଦ୍ରକୂଳରେ କଇଁଛ କୁଡିଆ ନିର୍ମାଣ ହେବା ସହ ରାତ୍ରି ପେଟ୍ରୋଲିଂ ପାଇଁ କର୍ମଚାରୀ ନିୟୋଜିତ ହୋଇଛନ୍ତି । ଅଲିଭ୍ ରିଡଲେ କଇଁଛମାନେ ହଜାର ହଜାର କିଲୋମିଟର ଦୂରରୁ ଗହୀରମଥାର ଋଷିକୂଲ୍ୟା ମୁହାଣ ଏବଂ ଅସ୍ତରଙ୍ଗର ଦେବୀ ନଦୀ ମୁହାଁଣକୁ ଆସି ଅଣ୍ଡାଦାନ କରିଥାନ୍ତି । ଏଥିପାଇଁ ଚାରିଟି କଇଁଛ କୁଡିଆ ସହ ହାଚେରୀ ନିର୍ମାଣ କାମ ଆରମ୍ଭ ହୋଇଛି ।