ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କୀ ନିହତ

ଅନନ୍ତନାଗରେ ପୋଲିସ ଏବଂ ଆତଙ୍କୀଙ୍କ ମଧ୍ୟରେ ଗୁଳିବିନିମୟ । ଘଟଣାରେ ୨ ଆତଙ୍କବାଦୀ ନିହତ ହୋଇଛନ୍ତି । ସୂଚନାନୁଯାୟୀ, ଦକ୍ଷିଣ କାଶ୍ମୀରର ତଙ୍ଗପାୱାରେ ଆତଙ୍କବାଦୀଙ୍କ ଲୁଚିରହିଥିବା ଖବର ମିଳିବା ପରେ ସୁରକ୍ଷାକର୍ମୀଙ୍କ ପକ୍ଷରୁ ଅଞ୍ଚଳକୁ ସିଲ୍ କରାଯାଇଥିଲା । ତଲାସ ଅଭିଯାନ ସମୟରେ ଆତଙ୍କୀ ଗୁଳିମାଡ଼ କରିଥିଲେ । ଏହାପରେ ସୁରକ୍ଷାକର୍ମୀଙ୍କ ପକ୍ଷରୁ ମଧ୍ୟ ପାଲଟା ଗୁଳିମାଡ଼ କରାଯାଇଥିଲା । ରାତିସାରା ଉଭୟ ପକ୍ଷ ମଧ୍ୟରେ ଗୁଳିବିନିମୟ ଚାଲିଥିଲା । ଏବଂ ସକାଳୁ ଦୁଇ ଆତଙ୍କୀଙ୍କୁ ସେନା ମାରି ଗଡ଼ାଇଛି । ତେବେ ଜମ୍ମୁ କାଶ୍ମୀରରେ ଲଗାତାର ସେନା ପକ୍ଷରୁ ଆତଙ୍କବାଦୀ ନିରୋଧୀ ଅଭିଯାନ ଜାରି ରହିଛି । ଗତ କିଛି ଦିନ ହେବ କମ୍ବିଂ ଅପରେସନ କରାଯାଇ ଆତଙ୍କୀମାନଙ୍କୁ ନିପାତ କରାଯାଉଛି । ଏବେ ବି ଆତଙ୍କବାଦ ସେନା ପାଇଁ ଏକ ବଡ଼ ଚ୍ୟାଲେଞ୍ଜ ଭାବେ ରହିଛି ।