ଅଜଣା ଆତତାୟୀର ଭୟଙ୍କର ଗୁଳିମାଡ

ରୁଷର ଏକ ବିଦ୍ୟାଳୟରେ ଗୁଳିମାଡ । ରୁଷର ଇଜେବସ୍କ ଅଞ୍ଚଳରେ ଥିବା ଏକ ସ୍କୁଲରେ ଅଜଣା ଆତଙ୍କୀ ଗୁଳିମାଡ କରିଛନ୍ତି । ତେବେ ଏହି ଘଟଣାରେ ୭ ଛାତ୍ରଙ୍କ ସମେତ ୧୩ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଦୁଇଜଣ ଶିକ୍ଷକ ଓ ଜଣେ ସିକ୍ୟୁରିଟି ଗାର୍ଡ ଥିବା ଜଣାପଡିଛି । ଗଣମାଧ୍ୟମ ରିପୋର୍ଟ ମୁତାବକ, ସ୍କୁଲରେ ଅଜଣା ବ୍ୟକ୍ତି ଜଣକ ଧସେଇ ପସିଥିଲା । ଆଉ କେହି କିଛି ବୁଝିବା ପୂର୍ବରୁ ପ୍ରଥମେ ସିକ୍ୟୁରିଟିକୁ ଗୁଳିମାରି ହତ୍ୟା କରିବା ପରେ ଶ୍ରେଣୀଗୃହରେ ପଶି ଆଖିବୁଜା ଗୁଳିମାଡ କରିଥିଲା । ରକ୍ତର ଖେଳ ଖେଳିବା ପରେ ନିଜକୁ ଗୁଳିମାରି ଆତ୍ମହତ୍ୟା କରିଛି ଅଭିଯୁକ୍ତ ଯୁବକ । ସ୍ଥାନୀୟ ଅଞ୍ଚଳକୁ ପୋଲିସ ସିଲ କରିଥିବା ବେଳେ ଅଭିଯୁକ୍ତର ମୃତଦେହକୁ ଜବତ କରି ଯାଞ୍ଚ ଆରମ୍ଭ କରିଛି ପୋଲିସ ।