ଲକ୍ଷ୍ମୀପୁର ଖେରିରେ ଭୟଙ୍କର ସଡକ ଦୁର୍ଘଟଣା

ବସ-ଟ୍ରକ ମୁହାଁମୁହିଁ ଧକ୍କା । ଉତ୍ତରପ୍ରଦେଶର ଲକ୍ଷ୍ମୀପୁର ଖେରିରେ ଭୟଙ୍କର ସଡକ ଦୁର୍ଘଟଣା । ଘଟଣାରେ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ୨୫ରୁ ଅଧିକ ଲୋକ ଆହତ ହୋଇଛନ୍ତି । ଆହତମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେଠାରେ ଆହତମାନଙ୍କ ସ୍ଥିତି ଗମ୍ଭୀର ଥିବା ସୂଚନା ରହିଛି । ତେବେ ମୃତକଙ୍କ ସଂଖ୍ୟା ଆହୁରି ବଢିପାରେ ବୋଲି କୁହାଯାଇଛି । ଘଟଣାକୁ ନେଇ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁଃଖ ପ୍ରକାଶ କରିଛନ୍ତି । ତେବେ ବସଟି ଘୋରହରାରୁ ଲକ୍ଷ୍ମୀପୁର ଯାଉଥିଲା । ଦୁର୍ଘଟଣାରେ ଲୋକଙ୍କ ଚିତ୍କାର ଶୁଣି ସ୍ଥାନୀୟ ଲୋକ ଉଦ୍ଧାର କାମ ଆରମ୍ଭ କରିଥିଲେ । ଏହାସହ ଘଟଣାସ୍ଥଳରେ ପୋଲିସ ଓ ଦମକଳ ବାହିନୀ ପହଞ୍ଚି ଉଦ୍ଧାର କାମ ତ୍ୱରାନ୍ୱିତ କରିଥିଲେ ।