ବିଦେଶରେ ରଜ ଉତ୍ସବ ପାଳନ

() ବିଦେଶରେ ରଜ ଉତ୍ସବ ପାଳନ କଲେ ଓଡିଆ । ନେଦରଲାଣ୍ଡସର ବିଭିନ୍ନ୍ ସହରରେ ରହୁଥିବା ଶତାଧିକ ଓଡ଼ିଆ ପାଳନ କଲେ ରଜ ମିଳନ ପର୍ବ । ଓଡ଼ିଆ ଶୋସିଓ କଲ୍ଚରାଲ ଆସୋସିଏସନ ନେଦରଲାଣ୍ଡସ ପକ୍ଷରୁ ଉତ୍ତରେକ୍ଟ ସହରର ଏକ ଭାରତୀୟ ଅନୁଷ୍ଠାନରେ ପାଳନ ହୋଇଥିଲା ରଜ । ଏହି ଉତ୍ସବରେ ମୁଖ୍ୟ ଅତିଥି ଭାବେ ନେଦରଲାଣ୍ଡ ଇନଫୋସିସର କଣ୍ଟ୍ରି ହେଡ୍ ପୁନିତ ଶୁକ୍ଳା ଯୋଗଦେଇଥିଲେ । ତେବେ ଓଡିଶୀ ନୃତ୍ୟରୁ ଉତ୍ସବ ଆରମ୍ଭ ହୋଇଥିଲା । ପରେ ପରେ ମୋ ଓଡିଶା ଗୀତ ଏବଂ ଅନେକ ଓଡ଼ିଆ ସାଂସ୍କୃତିକ କାର୍ଯ୍ୟକ୍ରମ ସହ ହୁଳହୁଳି, ଅଳତା ଲଗା, ଲୁଗା ପିନ୍ଧା, ସଜବାଜ ପରି ଅନେକ କୌତୁହଳ ପ୍ରତିଯୋଗିତା ଆୟୋଜିତ ହୋଇଥିଲା । ଏଥିପାଇଁ ଓଡ଼ିଶାର ବିଭିନ୍ନ ଅନୁଷ୍ଠାନ ସହଯୋଗ କରିଥିଲେ ।