August 29, 2025

ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା ହେଲେ ପୁଣି ରଙ୍ଗ ଦେଖାଇବେ ନିତିଶ୍

ବିହାର ବିଧାନସଭା ନିର୍ବାଚନ ଯେତେ ପାଖେଇ ଆସୁଛି, ଶାସକ ଏବଂ ବିରୋଧୀ ନେତାଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିବା ଆରମ୍ଭ ହୋଇଛି। ଏହି ପରିପ୍ରେକ୍ଷୀରେ, ଶନିବାର ଦିନ, ଜେହାନାବାଦର ଆରଜେଡି ସାଂସଦ ଡକ୍ଟର ସୁରେନ୍ଦ୍ର ପ୍ରସାଦ ଯାଦବ ଗୟାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ମୁଖ୍ୟ ଅତିଥି ଭାବରେ ପହଞ୍ଚିଥିଲେ।

ସେହି ସମୟରେ, ସାମ୍ବାଦିକମାନଙ୍କ ସହ କଥାବାର୍ତ୍ତା ସମୟରେ ସୁରେନ୍ଦ୍ର ପ୍ରସାଦ ଯାଦବ କହିଛନ୍ତି, ଯେ ଯେଉଁ ଦିନ ଭାରତୀୟ ଜନତା ପାର୍ଟି ସ୍ପଷ୍ଟ କରିବ ଯେ, ମୁଖ୍ୟମନ୍ତ୍ରୀଙ୍କ ଚେହେରା ଜଣେ ନିର୍ଦ୍ଦିଷ୍ଟ ବ୍ୟକ୍ତି ହେବେ, ସେହି ଦିନ ନୀତିଶ କୁମାର ତାଙ୍କର ମତ ବଦଳାଇବେ। ସେ ପଲଟୁରାମ ସେ ପଲଟିମାରିବେ

ସେ ମୁଖ୍ୟମନ୍ତ୍ରୀଙ୍କୁ କଡ଼ା ସମାଲୋଚନା କରି କହିଛନ୍ତି ଯେ, ସାମ୍ପ୍ରତିକ ସମୟରେ ନୀତିଶ କୁମାର ଏକ ବିଲ୍‌ରେ ସ୍ୱାକ୍ଷର କରିଛନ୍ତି। ସେ ୱାକଫ ସମ୍ପର୍କରେ ଆସୁଥିବା ବିଲ୍‌ରେ ସ୍ୱାକ୍ଷର କରିଛନ୍ତି। ଏପରି ପରିସ୍ଥିତିରେ, ନୀତିଶ କୁମାର ସ୍ପଷ୍ଟ କରିବା ଉଚିତ୍ ଯେ ସେ କାହା ସହିତ ଅଛନ୍ତି? ଆରଜେଡି ସବୁବେଳେ ୱାକଫ ସହିତ ରହିଛି। କଂଗ୍ରେସ ମଧ୍ୟ ୱାକଫ ସହିତ ଅଛି। ଅନ୍ୟ ବାମପନ୍ଥୀ ଦଳଗୁଡ଼ିକ ମଧ୍ୟ ୱାକଫ ସହିତ ଅଛନ୍ତି।

କିନ୍ତୁ ନୀତିଶ କୁମାର ସ୍ପଷ୍ଟ କରିବା ଉଚିତ୍ ଯେ ସେ ୱାକଫ ସପକ୍ଷରେ ଅଛନ୍ତି କି ବିପକ୍ଷରେ ଅଛନ୍ତି। ନହେଲେ ସେ ହୁଏତ ଏହା ଭୁଲି ଯିବାର ଆଶଙ୍କା  କାରଣ କିଛି ଲୋକଙ୍କୁ ଏବେ ଭୁଲିବା ରୋଗ ଧରିଛି ବୋଲି ସେ କହିଛନ୍ତି।

ସେ କହିଛନ୍ତି ଯେ, ଯେତେବେଳେ ନିର୍ବାଚନ ଆସେ, ଇଡି ଏବଂ ସିବିଆଇ ସେମାନଙ୍କର ଶକ୍ତି ଦେଖାଇବା ଆରମ୍ଭ କରନ୍ତି। କେତେବେଳେ ନିଯୁକ୍ତିର ତଦନ୍ତ ତ କେତେବେଳେ ଜମି ଦୁର୍ନୀତିର ତଦନ୍ତ ସାମ୍ନାକୁ ଆସେ। କିନ୍ତୁ ନିର୍ବାଚନ ଶେଷ ହେବା ମାତ୍ରେ, ଇଡି ଏବଂ ସିବିଆଇର ମାମଲା ସବୁକିଛି ବିଚାରାଧୀନ ହୋଇଯାଇଥାଏ।


ସେ ବିହାରରେ ମଦ ନିଷେଧ ଉପରେ ବର୍ଷିଛନ୍ତି। ଏବେ ଘରେ ମଦ ପହଞ୍ଚାଯାଉଛି। ବିହାରରେ କେବେ ମଦ ଉପରେ ନିଷେଧ ଜାରି କରାଯାଇ ନାହିଁ। ଆଜି ନିଷେଧ ନାମରେ ଆଇନକୁ ତାତ୍ସଲ୍ୟ କରାଯାଉଛି ବୋଲି ସେ ଅଭିଯୋଗ କରିଛନ୍ତି।

SHARE BY