ପ୍ୟାରିସ୍ ଅଲିମ୍ପିକ ୨୦୨୪ରେ ଜାଭେଲିନ୍ ଥ୍ରୋରେ ସ୍ବର୍ଣ୍ଣ ପଦକ ଜିତିଥିବା ପାକିସ୍ତାନର ଅର୍ଶଦ ନଦୀମ ବିବାଦ ଘେରକୁ ଆସିଛନ୍ତି । ପ୍ୟାରିସରୁ ପାକିସ୍ତାନ ଫେରିବା ପରେ ସେ ପାକିସ୍ତାନ ମର୍କଜି ମୁସଲିମ୍ ଲିଗ୍ (ପିଏମଏମଏଲ୍) ନେତାଙ୍କୁ ସାକ୍ଷାତ କରିଛନ୍ତି । ପିଏମଏମଏଲ୍ ଆତଙ୍କବାଦୀ ସଂଗଠନ ଲଶ୍କର-ଏ ତୋଇବାର ଏକ ରାଜନୈତିକ ଦଳ ।
ମିଳିଥିବା ସୂଚନା ଅନୁସାରେ, ପାକିସ୍ତାନ ମର୍କଜି ମୁସଲିମ୍ ଲିଗ୍ର ମୁଖପାତ୍ର ତାବିଶ କୟୁମ ଏବଂ ଯୁବ ଶାଖାର ଅଧ୍ୟକ୍ଷ ହାରିସ ଡାର ନଦୀମଙ୍କୁ ତାଙ୍କ ଘରେ ସାକ୍ଷାତ କରିଛନ୍ତି । ଏନେଇ ପିଏମଏମଏଲ୍ ପକ୍ଷରୁ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଫଟୋ ଶେୟାର କରାଯାଇ ସୂଚନା ଦିଆଯାଇଛି । ଏହି ସମୟରେ ପିଏମଏମଏଲ୍ ମୁଖପାତ୍ର ନଦୀମଙ୍କ ବାପା ମାଙ୍କୁ ମକ୍କା ଯିବା ଲାଗି ଟିକେଟ ଦେବେ ବୋଲି ଘୋଷଣା କରିଛନ୍ତି ।ପିଏମଏମଏଲ୍ ଯୁବ ଶାଖାର ଅଧ୍ୟକ୍ଷ ହାରିସ ଡାର ସ୍ବର୍ଣ୍ଣ ବିଜେତା ଅର୍ଶଦ ନଦୀମଙ୍କ ସହ କଥା ହେଉଥିବା ଦେଖିବାକୁ ମିଳିଛି । ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ତେବେ ପିଏମଏମଏଲ୍ ଯୁବ ଶାଖାର ଅଧ୍ୟକ୍ଷ ହାରିସ ଡାର ଲଶ୍କର-ଏ ତୋଇବାକୁ ଫଣ୍ଡିଂ କରୁଥିବା ନେଇ ଅଭିଯୋଗ ହୋଇଥିଲା । ଏପରିକି ସେ ଲଶ୍କର-ଏ ତୋଇବା ଏବଂ ଏହାର ପ୍ରତିବନ୍ଧିତ ରାଜନୈତିକ ଶାଖା ମିଲି ମୁସଲିମ୍ ଲିଗ୍ର ଯୁଗ୍ମ ସଚିବ ଥିବା କୁହାଯାଉଛି ।
ସୂଚନାଯୋଗ୍ୟ, ୮ ଅଗଷ୍ଟ ୨୦୨୪ରେ ନଦୀମ ପ୍ରଥମ ପାକିସ୍ତାନୀ ଭାବରେ ଅଲିମ୍ପିକ୍ସରେ ସୂର୍ଣ୍ଣ ପଦକ ଜିତି ଇତିହାସ ରଚିଛନ୍ତି । ପ୍ୟାରିସ ଅଲିମ୍ପିକ୍ସରେ ଜାଭେଲିନ୍ ଥ୍ରୋ ପ୍ରତିଯୋଗିତାରେ ନଦୀମ ୯୨.୭ ମିଟର ଥ୍ରୋ କରି ବଡ଼ ରେକର୍ଡ ସହ ଗୋଲ୍ଡ ମେଡାଲ ହାସଲ କରିଛନ୍ତି । ଏହି ପ୍ରତିଯୋଗିତାରେ ଭାରତର ନୀରଜ ଚୋପ୍ରା ଦ୍ବିତୀୟ ସ୍ଥାନ ଅଧିକାର କରିବା ସହ ସିଲଭର ମେଡାଲ ଜତିଛନ୍ତି ।
More Stories
ଭାରତୀୟ ଟପ୍ 5 କ୍ରିକେଟର୍
କେତେ ଟଙ୍କାରେ ମିଳିବ କ୍ରିକେଟ୍ ଟିକେଟ୍
ମ୍ୟାଚ୍ ଜିତିଲେ କେତେ ଟଙ୍କା ପାଆନ୍ତି ଖେଳାଳୀ