ନବୀନଙ୍କ ଆହାର ବଦଳରେ ମୋହନଙ୍କ ଶ୍ରୀଅନ୍ନ ଯୋଜନା

ରାଜ୍ୟ ବଜେଟରେ ଆଉ ଏକ ବଡ ଘୋଷଣା । ରାଜ୍ୟରେ ଆହାର ବଦଳରେ ଏଣିକି ଶ୍ରୀଅନ୍ନ ଅଭିଯାନ ଆରମ୍ଭ ହେବ। ଏନେଇ ମୁଖ୍ୟମନ୍ତ୍ରୀ ମୋହନ ମାଝୀ ଘୋଷଣା କରିଛନ୍ତି ।

ବଜେଟରେ ଶ୍ରୀଅନ୍ନ ଅଭିଯାନ ପାଇଁ ୬୪୯ କୋଟିର ବ୍ୟୟବରାଦ କରାଯାଇଛି । ଏହି ଯୋଜନାରେ ପ୍ରତ୍ୟକ ବ୍ୟକ୍ତିଙ୍କୁ ୫ ଟଙ୍କାରେ ମିଳିବ ଖାଦ୍ୟ ।

ଏହି ଅଭିଯାନ ମାଧ୍ୟମରେ ମିଲେଟକୁ ବା ମାଣ୍ଡିଆକୁ ପ୍ରୋତ୍ସାହିତ କରିବା ରାଜ୍ୟ ସରକାରଙ୍କ ଉଦ୍ଦେଶ୍ୟ । ଆହାର ବିଜେଡ଼ି ସରକାରଙ୍କ ଦ୍ୱାରା ପ୍ରଚଳିତ ଏକ ଯୋଜନା ଯେଉଁଥିରେ ଓଡ଼ିଶାର ବିଭିନ୍ନ ସହରରେ ୫ ଟଙ୍କାରେ ଗରିବ ଲୋକମାନଙ୍କୁ ଖାଇବାକୁ ଯୋଗାଇ ଦିଆଯାଇଥାଏ । ଏହା ଯୋଜନାଟି ୨୦୧୫ ଅପ୍ରେଲ ପହିଲାରୁ ଓଡ଼ିଶାର ପ୍ରମୁଖ ସହରରେ ଆହାର କେନ୍ଦ୍ର ଖୋଲାଯାଇ ଖାଦ୍ୟ ବଣ୍ଟନ କରାଯାଉଥିଲା । ବର୍ତ୍ତମାନ ଏହି ଯୋଜନା ଶ୍ରୀ ଅନ୍ନ ନାମରେ ନାମିତ ହେବ । ବଜେଟରେ ଚାଷୀଙ୍କ ପାଇଁ ସମୃଦ୍ଧ କୃଷକ ଯୋଜନା ଘୋଷଣା। ସମୃଦ୍ଧ କୃଷକ ଯୋଜନା ପାଇଁ ୫ ହଜାର କୋଟି ବ୍ୟୟବରାଦ। ଶ୍ରୀଅନ୍ନ ଅଭିଯାନ ପାଇଁ ୬୪୯ କୋଟି ଘୋଷଣା। ସୁଭଦ୍ରା ଯୋଜନା ପାଇଁ ବଜେଟରେ ବ୍ୟବସ୍ଥା। ଏହି ଯୋଜନା ପାଇଁ ୧୦ ହଜାର କୋଟିର ବ୍ୟୟବରାଦ। ନିର୍ବାଚନ ଇସ୍ତାହାରରେ ଘୋଷଣା ହୋଇଥିଲା ସୁଭଦ୍ରା ଯୋଜନା।