ମୋହନ ସରକାର ଭରିବେ 3000 ଖାଲି ପଦବୀ, ବିପୁଳ ନିଯୁକ୍ତି ସୁଯୋଗ

ନିକଟରେ ରାଜ୍ୟ ସରକାରଙ୍କ ତରଫରୁ ବିଭିନ୍ନ ବିଭାଗରେ ଅନେକ ପଦ ପୂରଣ ପାଇଁ ବିଜ୍ଞପ୍ତି ପ୍ରକାଶ ପାଇଥିବା ଏହା ମଧ୍ୟରେ ପୁଣି ଥରେ ଆଶାୟୀଙ୍କ ପାଇଁ ଆସିଛି ବଡ଼ ସୁଯୋଗ । ରାଜ୍ୟ ସରକାରଙ୍କର ବିଭିନ୍ନ ବିଭାଗରେ ପୂରଣ ହେବ ୧ ହଜାରରୁ ଅଧିକ ପଦ । ସେନେଇ ବିଜ୍ଞପ୍ତି ପ୍ରକାଶ ପାଇଥିବା ବେଳେ ଇଚ୍ଛୁକ ପ୍ରାର୍ଥୀମାନେ ଗ୍ରାମ ରୋଜଗାର ସେବକ, ପୋଲିସ ଡ୍ରାଇଭର, ଏସଡିଆଇପିଆରଓ ଆଦି ପଦରେ ଆବେଦନ କରିପାରିବେ ।

ଭଦ୍ରକ ଜିଲ୍ଲାରେ ୧୪୬ଟି ଗ୍ରାମ ରୋଜଗାର (ଜିଆରଏସ) ପଦ ଖାଲି ରହିଥିବା ବେଳେ ଏହାର ଆବେଦନ ତାରିଖ ନଭେମ୍ବର ୧୧ ତାରିଖ ରହିଛି । ସେହିପରି କନ୍ଧମାଳ ଜିଲ୍ଲାରେ ୧୨୫ଟି ଜିଆରଏସ ପଦ ଖାଲି ରହିଥିବା ବେଳେ ଆବେଦନର ଅନ୍ତିମ ତାରିଖ ଅକ୍ଟୋବର ୨୪ ରହିଛି । ଅନୁଗୁଳରେ ୧୪୪ଟି ଜିଆରଏସ ପଦ ଖାଲି ରହିଥିବା ବେଳେ ନଭେମ୍ବର ୧୧ ଆବେଦନର ଅନ୍ତିମ ତାରିଖ ରହିଛି । ପୁରୀରେ ୧୮୨ଟି ଜିଆରଏସ ପଦ ଖାଲି ରହିଥିବା ବେଳେ ଅକ୍ଟୋବର ୨୩ ଆବେଦନର ଅନ୍ତିମ ତାରିଖ ରହିଛି । ମୟୁରଭଞ୍ଜରେ ୩୫୫ଟି ଜିଆରଏସ ପଦ ଖାଲି ରହିଥିବା ବେଳେ ଆବେଦନର ଶେଷ ତାରିଖ ଅକ୍ଟୋବର ୨୧ ରହିଛି । ସମ୍ବଲପୁରରେ ୧୦୧ଟି ଜିଆରଏସ ପଦ ଖାଲି ରହିଥିବା ବେଳେ ଆବେଦନର ଶେଷ ତାରିଖ ଅକ୍ଟୋବର ୨୧ ରହିଛି । ସେହିପରି ନବରଙ୍ଗପୁରରେ ୧୫୬ଟି, ଝାରସୁଗୁଡ଼ାରେ ୬୮ଟି, ଜଗତସିଂହପୁରରେ ୧୭୨ଟି ଜିଆରଏସ ପଦ ଖାଲି ଅଛି ।

ଏଥିସହିତ ଓଡ଼ିଶାରେ ପୋଲିସର ୪୦୫ଟି ଡ୍ରାଇଭର ପଦ ଖାଲି ରହିଥିବା ବେଳେ ଆବେଦନର ଶେଷ ତାରିଖ ଅକ୍ଟୋବର ୩୧ ରହିଛି । ଓଡ଼ିଶା ଲୋକସେବା ବିଭାଗ ପକ୍ଷରୁ ୩୯ଟି ଏସଡିଆଇପିଆରଓ ପଦ ପାଇଁ ବିଜ୍ଞପ୍ତି ପ୍ରକାଶ ପାଇଥିବା ବେଳେ ଅକ୍ଟୋବର ୩୦ ପୂର୍ବରୁ ପ୍ରାର୍ଥୀମାନେ ଏଥିରେ ଆବେଦନ କରିପାରିବେ । ଓଡ଼ିଶା ପୋଲିସରେ ୧୩୬୦ଟି ସିପାହୀ / କନଷ୍ଟେବଳ ପଦ ଖାଲି ରହିଥିବା ବେଳେ ୧୭୭ଟି କନିଷ୍ଠ କିରାଣୀ ପଦ ଖାଲି ରହିଛି ।