ସାରା କନ୍ଧମାଳ ଏବେ ୧୦ଡିଗ୍ରି ସେଲ୍ସିୟସ୍ ତଳେ ଥରୁଛି। ଘୁ.ଉଦୟଗିରିରେ ଆଜି ସର୍ବନିମ୍ନ ତାପମାତ୍ରା ୪ଡିଗ୍ରି ସେଲ୍ସିୟସ୍ ରେକର୍ଡ କରାଯାଇଛି। ସମଗ୍ର ଜିଲ୍ଲାରେ ଶୀତର ପ୍ରକୋପ ଜାରି ରହିଥିବା ବେଳେ ଗତ ସପ୍ତାହେ ହେଲା ଲଗାତାର ଘୁ.ଉଦୟଗିରି ସହରର ତାପମାତ୍ରା ହ୍ରାସ ପାଇବାରେ ଲାଗିଛି। ରାତି ବଢ଼ିଲେ ଜାଡ଼ ଅସମ୍ଭାଳ ହେଉଛି। ଭୋର୍ରୁ ସକାଳ ୯ଟା ପର୍ଯ୍ୟନ୍ତ ଘନକୁହୁଡ଼ି ସାଧାରଣ ଜନଜୀବନକୁ ଅସ୍ତବ୍ୟସ୍ତ କରିଦେଉଛି।
ଏହାବ୍ୟତୀତ ସିମିଳିଗୁଡ଼ାରେ ୪.୯, ଫୁଲବାଣୀରେ ୭, ରାଉରକେଲାରେ ୭.୨, ଝାରସୁଗୁଡ଼ାରେ ୭.୭, ଦାରିଙ୍ଗବାଡ଼ିରେ ୯, କିରେଇରେ ୯.୩, ଭବାନୀପାଟଣାରେ ୯.୯, ସୁନ୍ଦରଗଡ଼ରେ ୧୦.୨, କେନ୍ଦୁଝରରେ ୧୦.୬, କୋରାପୁଟ, ଅନୁଗୁଳ ଓ ବଲାଙ୍ଗୀରରେ ୧୧ ଡିଗ୍ରି ଲେଖାଏଁ ରହିଥିଲା। ୨୩ ତାରିଖ ପର୍ଯ୍ୟନ୍ତ ଉପକୂଳ ଓଡ଼ିଶାର ଜିଲ୍ଲାଗୁଡ଼ିକର ଗୋଟିଏ ଦୁଇଟି ସ୍ଥାନରେ ଘନ କୁହୁଡ଼ି ହେବାକୁ ଥିବାରୁ ୟେଲୋ ୱାର୍ଣ୍ଣିଂ ଜାରି ହୋଇଛି। ୭ ଦିନ ପର୍ଯ୍ୟନ୍ତ ପାଗ ମୁଖ୍ୟତଃ ଶୁଖିଲା ରହିବାକୁ ଥିବା ବେଳେ ଦୁଇ ଦିନ ମଧ୍ୟରେ ସର୍ବନିମ୍ନ ତାପମାତ୍ରାରେ କୌଣସି ପରିବର୍ତ୍ତନ ହେବ ନାହିଁ। ତେବେ ପରବର୍ତ୍ତୀ ତିନି ଦିନରେ ତାପମାତ୍ରା ୨ରୁ ୪ ଡିଗ୍ରି ବଢ଼ିବ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି।
More Stories
ସବୁ ସ୍କୁଲରେ ଖୋଲିବ ଶିଶୁ ବାଟିକା
ଭିତିରିଆ ଚାଲିଥିଲା ପାର୍ଟ ରେଜିଷ୍ଟ୍ରେସନ, ସମ୍ପୃକ୍ତ ଥିଲେ ମହିଳା କର୍ମଚାରୀ
ମିଳିବ ଚତୁର୍ଥ ପର୍ଯ୍ୟାୟ ସୁଭଦ୍ରା ଟଙ୍କା, ଆଗୁଆ କରନ୍ତୁ କେୱାଇସି ଅପଡେଟ୍